मुक्तिनाथ विकास बैंकद्धारा मृतकको ऋण मिनाहा र फिर्ता

१७ असोज,काठमाडौं । मुक्तिनाथ विकास बैंकले सामाजिक सुरक्षा कार्यक्रम अन्तर्गत बैंकको साना तथा लघुबैंकिङ्ग कार्यालय, बुढीबजारमा सदस्य रहेकी विष्णुमाया बरालको मृत्यु भएकोले निजले उपभोग गरेको ऋणको साँवा र ब्याज बराबरको रकम मिनाहा तथा फिर्ता गरेको छ ।

उक्त रकम स्व. विष्णुमाया बरालका छोरा तथा निजले इच्छाएको व्यक्ति सुर्यप्रसाद बराललाई बैंकका क्षेत्रिय कार्यालय पोखराका क्षेत्रिय प्रमुख वावुराम ढकाल, बुढीबजार शाखाका शाखा प्रमुख रामचन्द्र रानाभाट तथा साना लघुवैकिङ्क प्रमुख धु्रवराज घिमिरे र पोखरा –२७, का वडाध्यक्ष धनबहादुर नेपालीले संयुक्त रुपमा निजको आकस्मिक मृत्यु पश्चात् भुक्तान गरी सकेको साँवा र ब्याज बापतको रकम दुई लाख त्रिहत्तर हजार नौ सय त्रियासी रुपैयाँ र काजकिरिया खर्च वापत पाँच हजार समेत गरी दुई लाख अठहत्तर हजार नौ सय त्रियासी रुपैयाँ बराबरको चेक हस्तान्तरण गरेको बैंकले जनाएको छ ।