अनाथ बालबालिकाले लगाए दशैँको टिका

२१ असोज भक्तपुर । भक्तपुरका अनाथ बालबालिकाले दशैंका टिका ग्रहण गरेका छन् । चाँगुनारायण नगरपालिका २ मा रहेको दुहुरा बालबालिका उद्धार केन्द्रमा रहेका २६ जना अनाथ बालबालिकाले दशैंको टिका ग्रहण गरेका हुन ।

उनीहरुलाई चाँगुनारायण नगरपालिकाका प्रमुख सोम प्रसाद मिश्रले दशैंको टिका लगाइदिएका हुन् ।  केन्द्रमा रहेका अनाथ बालबालिकाले अभिभावकको अभाव महशुस गर्न नपरोस् भन्ने उद्देश्यले आफुले अनाथ बालबालिकालाई टिका लगाइदिएको नगर प्रमुख मिश्रले बताउनुभयो ।