प्रहरी दिवस : अमर प्रहरीका परिवारका आँखामा आँशु !

२४ असोज, काठमाडौं । नेपाल प्रहरीले शुक्रबार ६४ औं प्रहरी दिवस मनाएको छ । दिवसको अवसरमा प्रहरी प्रधान कार्यालयमा विशेष कार्यक्रम सम्पन्न गरेको छ।

दिवसका अवसरका अमर प्रहरी प्रति श्रद्धाञ्जली अर्पण गर्ने अधिकांश परिवारका आँखा रसाएका थिए । शुक्रबार बिहान पखको समयमा आयोजना गरिएको कार्यक्रममा आफ्नो छोरा, श्रीमान घर परिवारको सदस्य गुमाउदाको पिडा साहेत न त कल्पना गर्न सकिन्छ नत कसैले मन बुझाएर बुझ्छ ।

देशैभरबाट अमर प्रहरी प्रति श्रद्धाञ्जली अर्पण गर्न आएक यि नै आफन्तका आँखा प्रहरी दिवसमा रसाएका छन् । आफन्तले रुदै अमर प्रहरीलाई श्रद्धाञ्जली अर्पण गर्दा कार्यक्रममा सहभागी सबै जना स्तब्ध भएका थिए ।

कार्यक्रममा प्रधानमन्त्री केपी शर्मा ओली, गृहमन्त्री रामबहादुर थापा बादल, पूर्वगृहमन्त्रीहरु, सुरक्षा निकायका प्रमुख, उच्च सरकारी अधिकारी लगायत सञ्चारकर्मीहरुको सहभागीता रहेको थियो ।

दिवसका अवसरमा प्रहरी प्रधान कार्यालयमा रहेको अमर प्रहरी स्मारकमा माल्यार्पण गरिएको थियो । कार्यक्रममा प्रधानमन्त्री केपी शर्मा ओलीले प्रमुख अतिथिका तर्फबाट मन्तव्य राखे । त्यसपछि गृहमन्त्री रामबहादुर थापा बादल र प्रहरी महानिरीक्षक सर्वेन्द्र खनालले धन्यवाद मन्तव्य राखे ।