एनआरएनएको नवौं विश्व सम्मेलन : कसले-कति मत ल्याए ?

१ कात्तिक, काठमाडौं । गैरआवासीय नेपाली सङ्घ ‘एनआरएनए’को नवौँ अधिवेशनबाट अध्यक्ष पदमा १२ सय १७ मत ल्याएर कुमार पन्त विजयी भएका छन् ।

निर्वाचन समितिले दिएको जानकारीअनुसार नयाँ नेतृत्वमा पन्तसहित अधिकांश वामपन्थी समूहले विजय हासिल गरेको बताइएको छ ।  पन्तका प्रतिस्पर्धी कुलप्रसाद आचार्यले १ हजार ७० मत ल्याएका छन् । प्राप्त जानकारीअनुसार उपाध्यक्षमा डा. बद्री केसीले ११ सय ६३, अर्जुनकुमार श्रेष्ठले १ हजार २६, मन केसी ९ सय ६१ , सोनाम लामाले ८ सय ४८ र महिला उपाध्यक्षमा रविना थापाले १२ सय ३२ ल्याएर विजयी भएका छन् ।

यस्तै निर्वाचन समितिका अनुसार ११ सय ३१ मत ल्याएर महासचिवमा डा. हेमराज शर्मा विजयी भएका छन् । यसैगरी सचिवमा गौरीराज जोशीले ९ सय १६ मत ल्याएर विजयी भएका छन् । कोषाध्यक्षमा महेशप्रसाद श्रेष्ठले १६ सय ५३ मत ल्याएर विजयी भएका छन् भने सहकोषाध्यक्षमा लोकप्रसाद दाहालले ११ सय ८४ मत ल्याएर आफ्ना प्रतिस्पर्धी गोविन्दप्रसाद गौतमलाई हराएर विजयी भएका छन् ।

निर्वाचनमा दुई हजार तीन सय ४४ मत खसेको थियो । ८१ देशबाट सम्मेलनमा भाग लिन एनआरएनएका प्रतिनिधि नेपाल आएका थिए । निर्वाचनमा दुवै प्यानलबाट मिश्रित परिणाम आएको छ ।

 यद्यपी कांग्रेस समर्थकबाट उपाध्यक्षमा सोनाम लामा, मन केसी, रविना थापा निर्वाचित भएका छन् । यस्तै महासचिवमा डा. हेमराज शर्मा, गौरी राज जोशी र कोषाध्यक्षमा महेशकुमार श्रेष्ठ पनि कांग्रेस समर्थकबाट निर्वाचित भएका हुन् । निर्वाचनमा करिब दुई हजार ५०० मतदाता रहेका थिए । ४२ पदका लागि भएको निर्वाचनमा ७६ जना प्रतिस्पर्धी थिए ।

कसले-कति मत ल्याए हेर्नुस :