कांग्रेसले १७ कार्तिकमा उम्मेदवार सार्वजनिक गर्ने, कास्की क्षेत्र नं २ मा को हो ?

१४ कार्तिक, काठमाडौं । आसन्न उपनिर्वाचनमा पार्टीका तर्फबाट तय गरिने भनि तयारीका साथ आज अपरान्ह सभापति शेरबहादुर देउवा निवास बुढानिलकण्ठमा बसेको पदाधिकारी वैठक आकांक्षीहरुसँग छलफल गर्ने सहमतिका साथ टुंगिएको छ ।

यसका लागि भोलि बस्ने केन्द्रीय कार्यसमिति वैठकले सो म्याण्डेड पदाधिकारीलाई दिने सहमति बनेको पार्टी प्रवक्ता विश्वप्रकाश शर्माले जानकारी दिए । त्यसको भोलिपल्छ अर्थात कार्तिक १६ गते सभापति देउवाले आकांक्षीहरुसँग छलफल गर्ने छन् ।

कार्तिक १७ मा भने पार्टीले आधिकारिक उम्मेदवारको नामाबली सार्वजनिक गर्ने छ – प्रवक्ता शर्माले भने । कास्की क्षेत्र नं २ मा हुने संसदीय उपनिर्वाचनमा कसलाई उम्मेदवार बनाउने भन्ने टुंग्याएर १७ कार्तिकमा तनहुँमा हुने पार्टी कार्यक्रममा सभापति देउवा र वरिष्ठ नेता रामचन्द्र पौडेलले संयुक्त रुपमा घोषणा हुने जानकारी शर्माले दिए ।

देउवा निवासमा आज बसेको पदाधिकारी बैठकले यस्तो सहमति गरेको हो । बैठकमा देउवालगायत उपसभापतिद्वय विमलेन्द्र निधि र विजयकुमार गच्छदारका साथै वरिष्ठ नेता पौडेल र पूर्व महामन्त्री कुष्णप्रसाद सिटौला पनि सहभागी थिए ।