बटमलाईन क्रस गर्दै नेप्से : लगानीकर्तामा बढ्दो त्रास, ओली सरकार मौन किन ?
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
मंसिर ८, २०७६ सोमबार ०:४५:०
![](https://nepalbahas.prixacdn.net/media/albums/sad-stock_cwph0jwxbX.jpg)
८ मंसिर, काठमाडौं । भाेकले रन्थनिएकाे साँढे कुदेझैं निरन्तर ओह्रालो लागेको नेपाली धितोपत्र बजारमा शेयर कारोबार मापक नेप्से परिसूचक आज पनि दोहोरो अङ्कले घटेको छ । बिहान उज्यालो भएसँगै मुस्कुराउँदै शेयर कारोबार गर्न पुग्ने लगानीकर्ता र ब्रोकरहरु घर फर्किनेबेला निन्याउरो र बिरामी जस्तो अनुहार लिएर फर्कनु नियति जस्तै बनेको छ ।
नेप्से बढ्ने आशामा बजारमा पुग्ने लगानीकर्ता बजार खुल्दा हँसिलो देखिन्छन् तर बजार बन्द हुँदा नसोचेको घाटा ! गिरावटसहित सबै सुचकाङ्क रातो भएपछि आँखा पनि रातो बनाएर घर फर्किन बाध्य हुन्छन् । अस्ताउँदो घामले पारि डाँडामा रातो रेखी हाले झैँ सँधै साँझमा नेप्सेले पनि रातो नछर्केको दिन छैन ।
तर दुईतिहाईको बलियो सरकार कहिले बालुवाटार त कहिले ग्राण्डीमा दौडिरहेको छ । अर्थतन्त्रको ऐनामा राता डोरा देखिँदा अर्थमन्त्री किन ढुक्क छन् ? धितोपत्र बोर्ड के हेरीरहेको छ ? के नियामक निकाय नै असक्षम भएका हुन् ? कि ठूला लगननीकर्ताहरुको चलखेल हो ? होइन भने किन नेप्सेमा सँधै रातो दाग ? यो सामान्यतः शेयर बजारमा होमिएका लगानीकर्ताले गर्ने प्रश्न हो । के यो प्रश्नको जवाफ दुई तिहाइको बलियो सरकारसँग छैन ?
आज पनि नेप्से १०.५४ विन्दुले घटेर एक हजार ११०.०८ विन्दुमा पुगेको छ । सेन्सेटिभ परिसूचक २.०३ विन्दुले घटेर २४४.८६ विन्दुमा पुगेको छ । नेप्से घटेपनि कारोबार रकम भने औसतमा सीमित भयो । कूल १६२ कम्पनीको नौ लाख २९ हजार ७४४ कित्त शेयर रु २८ करोड पाँच लाख ३४ हजार ४१५ मूल्यमा खरीद बिक्री भए ।
नेप्सेका अनुसारका कारोबार भएका कूल १२ उपसमूहकै शेयर ओरालो लागेको छ । बैंकिङ १०.४७, व्यापार ३९.८६, होटल १०.८३, विकास बैंक १०.३९, जलविद्युत् ७.६, वित्त ५.४१, निर्जीवन बीमा ५७.१५, उत्पादन २०.५१, अन्य ४.६६, लघुवित्त ६.३४, जीवन बीमा ४८.०८ र सामूहिक लगानी कोष ०.०९ विन्दुले घटेको छ ।
नेप्सेका अनुसार एनएमबी बैंकको कारोबार शीर्ष स्थानमा रहेको छ । सो बैंकको रु दुई करोड ११ लाख ५९ हजार ४०० बराबरको शेयर कारोबार भयो । नेपाल बैंक लिमिटेड रु एक करोड ३७ लाख ८३ हजार ९१६, साना किसान विकास बैंक रु एक करोड २० लाख, स्ट्यान्र्डड चार्टड बैंक रु एक करोड ७८ हजार ९११ बराबरको कारोबार भई शीर्ष स्थानमा रहे ।
नेप्सेका अनुसार नेशनल हाइड्रोपावर चार, अपि पावर ३.८८, लक्षमी लघुवित्त वित्तीय संस्था ३.०७ र नेशनल माइक्रोफाइनान्सका लगानीकर्ताले २.५८ प्रतिशतले कमाउँदा साल्ट टेडिङ कर्पोरेशन ९.९०, गुर्खाज फाइनान्स ५.४०, प्रुडेन्डियल इन्स्योरेन्स ५.२६, गुरास लघुवित्त वित्तीय संस्थाका लगानीकर्ताले ४.८२ प्रतिशतले गुमाए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेमा सामान्य अङ्कको सुधार हुँदा पाँच अर्बको कारोबार
असार १९, २०८१ बुधबार
दुई पटक सर्किट ब्रेक लागेको नेप्से ४७ अंकले बढ्यो
असार १८, २०८१ मंगलबार
सरकार परिवर्तनको सहमतिसँगै नेप्सेमा सकारात्मक सर्किट
असार १८, २०८१ मंगलबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
रास्वपाले लुकाउन नसकेका पाँच झूट
असार १९, २०८१ बुधबार
महामन्त्री ढकाल बैठक छाडेर निस्किएपछि रास्वपा बैठक स्थगित
असार १९, २०८१ बुधबार
आइडियल यमुना सहकारीका अध्यक्ष केबी उप्रेती पक्राउ, ८ अर्ब हिनामिना गरेको आरोप
असार १९, २०८१ बुधबार
बेनी–जोमसोम सडकखण्डमा रातिको समयमा यात्रा नगर्न अपिल
असार २०, २०८१ बिहिबार
विश्वकप विजेता भारतीय क्रिकेट टिमसँग प्रधानमन्त्री मोदीको लन्च भेट
असार २०, २०८१ बिहिबार
सहकारी ठगीका विषयमा छलफल गर्न छानबिन समितिले बोलायो प्रहरी प्रमुख र गृहसचिव
असार २०, २०८१ बिहिबार
वर्षाले हिलाम्मे काठमाडौंका सडक ( फोटो फिचर )
असार २०, २०८१ बिहिबार
बाढी प्रभावित भन्छन्ः - 'बर्खा बर्सेनि हाम्रा लागि दुःखको समय हो'
असार २०, २०८१ बिहिबार