प्रम जस्तै अस्वस्थ नेकपा !

१२ मंसिर, काठमाडौं । “समृद्ध नेपाल सुखी नेपाली” भन्ने नाराका साथ सत्ताको बागडोर सम्हालेको केपी ओली नेतृत्वको सरकार त्यसै अलमलिएको छ । दुईतिहाई समर्थन प्राप्त सरकारको काम गर्ने तौरतरिका र प्राप्त परिणामले नेपाली जनतालाई निराश बनाई दिएको हो ।

विगत दुई वर्षको अवधि ओली सरकारले गफै गरेर बिताएको नेपाली जनताको बुझाई रहेको छ । साथै प्रधानमन्त्रीको गिर्दाे स्वास्थ्य अवस्थाले सरकारी कामको प्रभावकारिता समेत फितलो बन्न थालेको छ । प्रधानमन्त्री ओलीको स्वास्थ्य अवस्था दिनहुँ कमजोर हुँदैजादा विकास निर्माण लगायत महत्वपूर्ण विषयले गति लिन सकेकोे छैन ।

अलिकति सञ्चो हुने बित्तिकै पार्टी भित्रको गुटगत राजनीतिमा बलियो देखाउने शैली र प्रवृत्तिले ओलीलाई गाँज्ने गरेको छ । प्रधानमन्त्री ओलीको ध्याउन्न जसरी भएपनि पाँच वर्ष शासनसत्ता टिकाउनेमै केन्द्रित देखिएको छ । यसका लागि विगतमा पुष्पकमल दाहालसँग गरेको भद्र सहमति नै विस्थापित गर्ने तहसम्मको नयाँ सम्झौता प्रधानमन्त्री ओलीले गरेका छन् । त्यो पनि व्यक्तिगत रुपमा । पार्टीभित्र यसबारे कुनै छलफल वा जानकारी छैन ।

औपचारिक रुपमा कुनै छलफल नै नगरी व्यक्तिगत रुपमा ओलीले यस्तो सम्झौता गरेका भन्दै ओली इतरपक्षले त्यसको स्वामित्व ग्रहण नगर्ने प्रतिक्रिया दिने गरेको छ । पार्टीमा संस्थागत भन्दा व्यक्तिगत प्रभाव बढाउने ओली शैलीप्रति ठूलो गुनासो छ ।  तर त्यसालाई संस्थागत रुपमा छलफल गर्ने हैसियत कुनै नेताको देखिएको छैन । त्यसैले ओलीले जे बोल्यो वा ग¥यो त्यही नै लागू हुने प्रणाली स्थापित भएको छ ।

हप्ताको दुईपटकको मृगौला डाइलासिस र थप अन्य स्वास्थ्य समस्याले सरकारको प्रभावकारिता निस्तेज देखिएको हो । कतिखेर अस्पताल जानुपर्ने हो भन्ने चिन्ताले प्रधानमन्त्री निकटहरु त्रसित हुनुपर्ने अवस्था छ । यस्तो अवस्थामा सरकारले कसरी काम गर्ने ? राजनीतिक विश्लेषक डा. सुरेन्द्र केसीको भनाई छ ।

जसरी भएपनि नेकपाभित्र आफ्नाे गुट बलियो बनाउने एक सूत्रीय अभियानमा प्रधानमन्त्री ओली एकोहोरिएको देखिन्छ । यसले गर्दा विकास निमार्ण लगायत मुलुकको समृद्धिको नारा केवल नारामै सीमित भएको छ । प्रधानमन्त्री ओलीको स्वास्थ्यमा देखिएको निरन्तरको समस्याले सरकारको गति नै धिमा भएको छ ।

हप्ताको दुईपटकको मृगौला डाइलासिस र थप अन्य स्वास्थ्य समस्याले सरकारको प्रभावकारिता निस्तेज देखिएको हो । कतिखेर अस्पताल जानुपर्ने हो भन्ने चिन्ताले प्रधानमन्त्री निकटहरु त्रसित हुनुपर्ने अवस्था छ । यस्तो अवस्थामा सरकारले कसरी काम गर्ने ? राजनीतिक विश्लेषक डा. सुरेन्द्र केसीको भनाई छ ।

“शरीरमा रोग लाग्नु स्वभाविक हो , प्रधानमन्त्रीको शरीर अहिले रोगले थलिएको छ , उनलाई आरामको खाँचो छ” – केसी भन्छन् – “तर किन हो, ओली यस्तो अवस्थामा पनि गधा झैं जोतिएका छन् ।” जीवनमा यो मात्रै अवसर हो भने जसरी ओलीको अनावश्यक सक्रियता चुलिएको उनको बुझाई छ । केही समय आराम गर्ने हो भने ओलीको शरीर तन्दुरुस्त हुनसक्ने उनको ठम्याई छ । तर ओलीलाई आफू निस्कृय हुने बित्तिकै सत्ताको चावी नै अर्काको हातमा पुग्ने बुझाईले यस्तो धपेडी गरेका हुनसक्ने अनुमान केसीकोे रहेको छ ।

चिकित्सकहरुले पनि ओलीलाई पूर्णत आराम गर्न पटकपटक सुझाएका हुन् ।  तर ओली अरुको सल्लाह मान्ने चरित्रका नेता होइनन् । त्यसैले उनको राजनीतिक सक्रियता तीव्र भयो , फलतः उनलाई रोगले चापेको छ । अहिले पनि एपेन्डिसाइटिसको शल्यक्रिया गरी अस्पतालको बेडमा रहेका ओलीको राजनीतिक चेतना भने कम भएको छैन । प्रधानमन्त्रीको ध्यान जसरी भएपनि पार्टीभित्र आफ्नो पक्षको वर्चश्व सुदृढ गर्नेमै केन्द्रित छ ।

तर अब भने पार्टीभित्र ओलीको विकल्पबारे बहस चलाउनुपर्ने बेला आईसकेको चाहिं उनले स्वीकारेका छन् । प्रधानमन्त्री ओली स्वस्थ्य भई बालुवाटार फिरेपछि नेताहरुले यसबारे थप छलफल गर्नै पर्छ – उनी भन्छन्, नेपाली जनताको आशा र भरोशालाई नेकपाले निराशामा बदल्नु हुँदैन ।

यही हिसाबले सरकार चल्ने हो भने समृद्ध नेपाल र सुखी नेपालीको नारा कसरी साकार होला ? अर्का राजनीतिक चिन्तक पुरञ्जन आचार्य भन्छन् । प्रधानमन्त्री यतिखेर अस्पतालको शैयामा छन् , स्वास्थ्यलाभको कामना गरौं भन्दै आचार्यले यही ढंगले मुलुक कतिञ्जेल चलाउने हो ? नेकपाका नेतृत्वले सोच्ने बेला आयो भनी टिप्पणी गरे ।

हुन पनि ओलीको स्वास्थ्य अवस्था यति कमजोर भैसक्दा पनि नेकपाले कुनै चासो देखाएको छैन । ओली प्रधानमन्त्री भएपनि उनको आवद्धता नेकपामा रहेको छ – आचार्य भन्छन्, अब अरु नेताले गम्भिर भएर सोच्नैपर्छ । नेपाली जनताले नेकपालाई मत दिएको हो , त्यसको जवाफ पनि पार्टी नै दिनुपर्ने उनको बुझाई छ ।

यसबारे नेकपाको नेतृत्व कुनै टिप्पणी गर्ने अवस्थामा देखिएको छैन । माधव नेपाल निकट एकजना नेताले भने अहिले कुनै टिप्पणी गर्नु भनेको ओलीको बिरोध गरेको अर्थ लाग्ने भएकाले मौन बसेको बताएका छन् । तर अब भने पार्टीभित्र ओलीको विकल्पबारे बहस चलाउनुपर्ने बेला आईसकेको चाहिं उनले स्वीकारेका छन् । प्रधानमन्त्री ओली स्वस्थ्य भई बालुवाटार फिरेपछि नेताहरुले यसबारे थप छलफल गर्नै पर्छ – उनी भन्छन्, नेपाली जनताको आशा र भरोशालाई नेकपाले निराशामा बदल्नु हुँदैन ।

ओली इतरखेमाका नेताले उनको विकल्पमा सोच्न सकिने कोणबाट छलफल हुने बताएपनि पार्टीभित्रको समीकरण भने त्यस्तो देखिंदैन । अहिले ओलीको विपक्षमा एक शव्द निकाल्न पनि नसक्ने अवस्था रहेको बुझाई पार्टी शीर्ष नेताको रहेको छ । त्यसैले नेकपा भित्रको सत्ता समीकरण र सरकारको गतिशीलता यस्तै रहने अनुमान गर्न सकिन्छ ।  फलतः मुलुक अझै कमजोर र अस्थिर हुने निश्चित छ ।