धरानमा चारतारा फहरायो बामपन्थीको सातो गयो

१६ मंसिर, काठमाडौं । हालै सम्पन्न उपनिर्वाचनका सबै परिणाम लगभग सार्वजनिक भइसकेका छन् । अंक गणितीय परिणामले पूर्ववत रुपमै सत्तारुढ नेपाल कम्युनिष्ट पार्टीलाई नै बल पुगेको छ ।

तर आज बिहान मात्रै सार्वजनिक भएको धरान उपमहानगरपालिकाको परिणामले समग्र मुलुकी राजनीतिको जोड घटाउमा नराम्रो झड्का लागेको छ । नेपाली कांग्रेसका उम्मेदवार तिलक राईले नेकपाका उम्मेदवार प्रकाश राईलाई झण्डै तीन हजार मतान्तरले पराजित गरिदिएका छन् ।

यो परिणाम सबैका लागि अप्रत्याशित र आश्चर्यजनक लागेको छ । स्वयं नेपाली कांग्रेसप्रति आस्थावान मतदाताका लागि समेत यो परिणाम अपत्यारिलो लागेको छ । तर जनता जनार्दन हुन् भन्ने पक्षलाई भने धरानको मतपरिणामले एकपटक फेरि स्थापित गरिदिएको छ । देशमा बहुदलको पुनस्थापना यता भएका कुनैपनि निर्वाचनमा धरानमा कांग्रेसले चियाउन समेत पाएको थिएन ।

जनताको निराशा र अपेक्षाबीचको तालमेल नमिलेको अवस्था थियो । केन्द्र, प्रदेश र स्थानीय तहमा नेकपाको एकलौटी सरकार छ । तर जनताको समस्या जस्ताको तस्तै । धरानका जनताले यसपाला नेकपाको सत्ता सञ्चालन गर्ने तौरतरिकालाई तिरष्कार गरेको पाइयो ।

पूर्व नेकपा एमालेको वर्चश्व रहेको धरान सधैं लालकिल्ला रह्यो । गत निर्वाचनमा समेत यहाँ एमाले एक्लैले २४ हजार भन्दा बढी मत पाएको थियो । पूर्वमेयर तारा सुब्बाले पाएको मत अहिले सिंगो नेकपाले पाउन सकेन । यसअघिको निर्वाचनमा धरानमा पूर्व माओवादीले ११ हजार भन्दा बढी मत पाएको थियो । पार्टी एकीकरण पछि त ३२ हजार भन्दा बढी मत नेकपाको पक्षमा सुरक्षित हुनुपर्ने थियो ।

तर अवस्था यस्तो देखिएन । किनकी जनता नै निर्णायक शक्ति हो । जनताको निराशा र अपेक्षाबीचको तालमेल नमिलेको अवस्था थियो । केन्द्र, प्रदेश र स्थानीय तहमा नेकपाको एकलौटी सरकार छ । तर जनताको समस्या जस्ताको तस्तै । धरानका जनताले यसपाला नेकपाको सत्ता सञ्चालन गर्ने तौरतरिकालाई तिरष्कार गरेको पाइयो । जनताको आकांक्षालाई राम्ररी बुझेका तिलक राईले सेन्टिमेन्ट समाए । साथै, जनता कुनैपनि राजनीतिक दलको दास होइन बरु मालिक हो भन्ने मान्यतालाई स्थापित गरिदिए धराने जनताले ।

तिलक राई धरानमा भिजेको नेता हुन् । उनी बाहेक अरु कसैलाई पनि उम्मेदवार बनाएको भए परिणाम बेग्लै आउने थियो । तिलकको उम्मेदवारीलाई सबैले सकारात्मक रुपमा लिए । पार्टीभित्र पनि अभूतपूर्व एकता देखियो भने मतदातामा पनि उत्साह थपिएको थियो । त्यसैले स्थानीय तहमा भिजेको व्यक्तिलाई उम्मेदवार बनाइयो भने नसोचेको परिणाम प्राप्त हुने उदाहरणका रुपमा लिइएको छ ।

धरान उपमहानगरपालिकाको निर्वाचन परिणामले कांग्रेस हौसिएको छ । तर हौसनु पर्ने कारण छैन । किनभने यो जीत भनेको कांग्रेस पार्टीको भन्दा स्थानीय तहमा भिजेका तिलक राईको भूमिका बढी जिम्मेवार छ । निर्वाचन परिणामपछि धरानका गल्लीगल्लीमा चारतारा फहराइएको छ ।

अहिले बजारमा जुलुस र नाराबाजी भइरहेको छ । कांग्रेसले यो विजयलाई उत्सवका रुपमा मनाउने भएको छ । हुनपनि पहिलोपटक चारतारा फहराइएको धरान कांग्रेसका लागि प्रेरणापुञ्ज बनेको छ । धरानका पुराना कांग्रेस नेता गिरिराज आचार्यले परिणाम सार्वजनिक भएपछि सामाजिक सञ्जालमा यस्तो टिप्पणी गरेका छन्– कुनै बेला स्ववियु निर्वाचनमा समेत उम्मेदवार हुन नपाएको म धरानेका लागि यो विजय महाभारतकै जीतका रुपमा रहेको छ ।

धरानमा सधैं बामपन्थीको एकलौटी हुने गरेको इतिहास पनि अब फेरिएको भन्दै उनले सन्तोष प्रकट गरेका छन् । निर्वाचन परिणाम सार्वजनिक भएपछि नवनिर्वाचित मेयर तिलक राईले अब धरानका जनतासँग गरेको हरेक वाचा पूरा गर्ने प्रतिबद्धता स्मरण गरेका छन् ।

धरानमा नेपाली कांग्रेसको जीतलाई उपयुक्त उम्मेदवार छान्न कांग्रेस सक्षम भएको भन्ने अर्थमा लिइएको छ । तिलक राई धरानमा भिजेको नेता हुन् । उनी बाहेक अरु कसैलाई पनि उम्मेदवार बनाएको भए परिणाम बेग्लै आउने थियो । तिलकको उम्मेदवारीलाई सबैले सकारात्मक रुपमा लिए । पार्टीभित्र पनि अभूतपूर्व एकता देखियो भने मतदातामा पनि उत्साह थपिएको थियो । त्यसैले स्थानीय तहमा भिजेको व्यक्तिलाई उम्मेदवार बनाइयो भने नसोचेको परिणाम प्राप्त हुने उदाहरणका रुपमा लिइएको छ ।

सत्तारुढ नेकपाका लागि धरानको मतपरिणाम ज्यादै पीडादायी भएको छ । कुनैपनि हालतमा नगुम्ने आंकलन गरेको धरान उपमहानगरपालिकामा पराजित भएपछि केन्द्रीय नेता नै आत्तिएका छन् । अन्यत्र सबै जिते पनि धरानमा हार्नु पर्दा नेकपाका लागि ठूलै धक्का लागेको छ ।