गौरिकाको कीर्तिमान, नेपाललाई ४५ औं स्वर्ण जुडोबाट

२२ मंसिर काठमाडौं । गौरिका सिंहले तेह्रौं दक्षिण एसियाली खेलकुद सागको पौडी विधामा तेस्रो स्वर्ण जितेका छन् । उनले पौडीको चारसय मिटर फ्रि स्टाइलमा भारतीय पौडीवाजलाई पराजित गरेका छन् ।

सातदोबाटोमा सम्पन्न महिला पौडीतर्फको चारसय मिटर फ्रि स्टाइलको दूरी गौरिकाले चार मिनेट २५ दशमलब २० सेकेण्डमा पुरा गरिन । उनले भारतीय पौडीवाज शिवांगी शर्मालाई पराजित गरिन ।

शिवांगीले उक्त दूरी चार मिनेट २६ दशमलव २२ सेकेण्डमा पुरा गरिन । उनी रजत पदकमा चित्त बुझाइन। श्रीलङ्काकी रमुदी सहाराले कास्य पदक जितीन । सहाराले चार मिनेट ४९ दशमलब १० सेकेण्डमा चारसय मिटर दूरी पौडिन ।

गौरिकाले स्वर्ण दिलाएसँगै नेपालले तेह्रौं दक्षिण एसियाली खेलकुद सागमा ४४ स्वर्ण जितेको छ । शनिबारसम्म ४३ स्वर्ण जितेको नेपाललाई आइतबार गौरिकाले पहिलो स्वर्ण दिलाए ।

जुडोमा देवीकालाई स्वर्ण

तेह्रौं दक्षिण एसियाली खेलकुदको जुडो स्पर्धामा देविका खड्काले स्वर्ण पदक जितीन । देविकाको स्वर्णसँगै नेपालले सागमा स्वर्ण संख्या ४५ पुर्याएको छ । देविकाले ५२ किलो तौल समूहमा श्रीलङ्काली र भारतीय खेलाडीलाई हराएर स्वर्ण पदक जितीन ।