भुकम्पबाट क्षति भएका संरचनाको लक्ष्य अगावै कार्य सम्पन्न

मिना कंडेल

३ पुस नवलपुर । भुकम्पबाट प्रभाबित पूर्वी नवलपरासी र पश्चिममा ९४ प्रतिशत नीजि संरचना निर्माण भएको छ । बाँकि रहेको ६ प्रतिशत काम पनि प्राविधिकहरुलाई घरमा नै बसेर दैनिक अनुगमन गर्न लगाइ सत प्रतिशत नै सम्पन्न गर्ने गरी कार्य अघि बढाइएको छ ।

३२ जिल्लामा भुकम्पले क्षति पुर्याएकोमा निजी आवासतर्फको निर्माण कार्य सक्ने जिल्ला नवलपरासी नै पहिलो बनेको छ । चार महिना भित्र नीजि पुर्नसंरचनाको पुर्निर्माणको काम सबै सक्ने जनाईएको भएपनि लक्ष्य अगावै कार्य सम्पन्न भएकाले नवलपरासी (सुस्ता पुर्व र पश्चि ) दुवै जिल्लालाई निजीआवास पुनर्निर्माण सम्पन्न घोषणा गर्न आफुहरु लागेको राष्ट्रिय पुर्ननिर्माण प्राधिकरण जिल्ला आयोजना कार्यान्वयन इकाई नवलपुरका इकाइ प्रमुख राजेन्द्र कार्कीले बताए ।

बि.सं २०७२ बैशाख १२ को बिनाशकारी भुकम्पका कारण पुर्बी र पश्चिम नवलपरासीमा ८७२ घर पुर्ण रुपमा क्षति भएका थिए । अहिले सम्म ९४ प्रतिशत नीजि घरहरु निर्माण सम्पन्न भैसकेको र सेबाग्राहीले सवै किस्ता समेत लगिसकेको प्रमुख कार्कीले बताए ।

उनका अनुसार एक घर अहिले सम्म सम्झौता गर्न आएको छैन । सो घरमा नेपाली नागरिकता भएका व्यक्ति वैदेशिक रोजगारीका लागि बाहिर गएको र घर अन्य परिवारसँग नेपाली नागरिकता नभएका कारण सम्झौता हुन नसकेको हो ।

पूर्वी नवलपरासीमा भुकम्पबाट निजी आवास क्षति भएको भनेर दुई हजार दुई सय ४० वटा नयाँ गुनासो दर्ता भएको र आफूहरुले अुनगमन सकेर केन्द्रमा पठाइसकेको प्रमुख कार्कीले बताए ।