महरा प्रकरणमा जिल्ला अदालतकै आदेश उच्च अदालतबाट सदर

३ पुष, काठमाडौं । बलात्कारको आरोप लागेर डिल्लीबजार कारागारमा पूर्पक्षमा रहेका पूर्वसभामुख कृष्णबहादुर महराले थुनामै रहेर मुद्दाको प्रक्रिया अगाडि बढाउनु पर्ने भएको छ ।

बलात्कार पीडित भनिएकी रोशनी शाहीले आफूमाथि बलात्कार नभएको बयान दिएपनि उच्च अदालत पाटनका न्यायधीशद्धय नहकुल सुवेदी र टेकबहादुर कुँवरको संयुक्त इजलासले महराको पुनरावेदन मुद्दामा सुनुवाई गर्दै जिल्ला अदालत काठमाडौं कै आदेश सदर गरेको हो ।

न्यायधीशद्धयको इजलासले महरालाई थुनामै राखेर थप सुनुवाई गर्नुपर्ने आदेश गरेको अदालतका रजिष्ट्रार बाबुराम दाहालले जानकारी दिए ।

तत्कालिन सभामुख महरालाई बलात्कारको आरोपमा फसाईएको चर्चा हुने गरेको छ र यसमा सत्तारुढ दलकै र्शीष नेताहरुको षड्यन्त्र रहेको आरोप लाग्दै आएको छ ।

जबकी बलात्कार भएको भनिएकी पीडितले नै आफुमाथि कुनै किसिमको बलात्कार वा यौन दुव्र्यवहार नभएको साविती बयान दिईसकेपछि पनि न्यायालयले उनलाई दोषी देख्नु आठौं आश्र्चय भएको जनमानसमा चर्चा हुन थालेको छ । यसमा ठूलै षड्यन्त्रको गन्ध देखिएको महराको पारिवारिक स्रोतले जनाएको छ ।