प्राइम र कैलाश विकास बैंक एक्वायर भएर कारोबार गर्ने तयारीमा, ९४ : १०० को स्वाप रेसियो
नेपालबहस संवाददाता
पुस ४, २०७६ शुक्रबार १७:२:४९
४ पुष, काठमाडौं । प्राइम कमर्सियल बैंक लिमिटेडले आगामी पुष २५ गते विशेष साधारण सभा बोलाएको छ । कैलाश विकास बैंकलाई प्राप्ति गर्ने र लाभांश पारित गर्ने उद्देश्यले साधारण सभा बोलाउन लागिएको बैंकले जानकारी दिएको छ ।
राष्ट्रिय सभा गृह, प्रदर्शनीमार्गमा बिहान १० बजेदेखि शुरु हुने सभामा संचालक, व्यवस्थापन समुहका प्रमुखहरु, संस्थापक शेयरधनी र साधारण शेयरधनीलाई आह्वान गरिएको छ ।
सो सभामा कैलाश विकास बैंकलाई प्राप्ति गर्न डीडीए प्रतिवेदनलाई आधार मानिएको छ । जस अनुसार कैलाशको १०० कित्ता बराबर प्राइमको ९४ कित्ता शेयर स्वाप रेसियो पारित गर्ने तयारी छ । सञ्चालक समितिले प्रस्ताव गरेको १६ प्रतिशत बोनस शेयर वितरण गर्ने र गत आर्थिक वर्षको वित्तीय विवरण पारित गर्ने लगायतका प्रस्तावहरु बैंकले अगाडि सारेको छ ।
साधारण सभा तथा लाभांश वितरण प्रयोजनार्थ बैंकले पुष १४ गते एक दिनका लागि शेयर दाखिल खारेज दर्ता बन्द गर्नेछ । पुष १३ गतेसम्म नेप्सेमा कारोबार भई कायम शेयरधनीहरुले सभामा भाग लिन तथा लाभांश प्राप्त गर्न सक्नेछन् ।
हाल ९ अर्ब ६८ करोड रुपैयाँ चुक्ता पूँजी रहेको बैंकको बोनस वितरण पश्चात् ११ अर्ब २३ करोड रुपैयाँ पुग्नेछ । प्राइम बैंकले कन्काई विकास बैंकलाई प्राप्ती गरेर भदौ २९ गते आइतबारदेखि एकीकृत कारोबारको थालेको थियो ।
प्राइम र कैलाश विकाश बैंक अबको दुई महिना भित्र एक्वायर भएर संयुक्त कारोबार गर्ने तयारीमा छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबैंकिङ सेवालाई प्रतिस्पर्धी र व्यावसायिक बनाइनुपर्छः गभर्नर अधिकारी
कात्तिक ३०, २०८१ शुक्रबार
कस्तो छ आजका लागि विदेशी मुद्राको विनिमय दर ?
भदौ २३, २०८१ आइतबार
राष्ट्र बैंकले दशैंमा नयाँ नोटको सट्टा सुकिला नोट दिने
भदौ १९, २०८१ बुधबार
अमेरिकामा 'बर्ड फ्लू'को कारण पहिलो मानवको मृत्यु
पुष २४, २०८१ बुधबार
जुम्लाका सामुदायिक विद्यालयमा विज्ञान प्रयोगशाला
पुष २४, २०८१ बुधबार
पर्साका विपन्न तीन सय जनालाई कम्बल वितरण
पुष २४, २०८१ बुधबार
धनुर्मास पूजापछि खुल्यो पशुपतिनाथ मन्दिर, गरियो आरती
पुष २४, २०८१ बुधबार
पर्वतबाट बहुमूल्य जडीबुटीको चोरीनिकासी बढ्दो
पुष २४, २०८१ बुधबार