गुल्मीमा बिकासको नाममा मनपरी बिनास

♦ खगेन्द्र भण्डारी

६ पुष, गुल्मी । बिकास भन्नेबित्तिकै प्राय मानिसले बाटो,पानी लगाएतका अत्यावश्यक चीज बुझ्ने गरेको पाइन्छ । देशभर बिकास निर्माणको कार्यले गति लिदै गर्दा अनेकन बिनासको चपेटा पनि जनताले सहनुपरेको छ, यसैको ज्वलन्त उदाहरण हो, गुल्मीको कालीगण्डकी गाउपालिका वडा न २ बौरका स्थानियहरु ।

राष्ट्रिय गौरवकै योजना कालीगण्डकी कोरिडोरको काम भैरहँदा यहाँका स्थानियहरु भने घरवारविहीन जस्तै बनेका छन् । कोरिडोरको कामको जिम्मा पाएको नेपाली सेनाको टोलीले काम गरिरहँदा स्थनियहरुको घरमा प्रत्यक्ष असर पुगेको छ ।करिडोरको बाटो खनिरहँदा करिब १०० मिटर तल रहेका १५ घरधुरी विस्थापित बनेका छन ।

सेनाको टोलीले आफुहरुसँग सरसल्लाह समेत नगरी र बिना जानकारी बम पठ्काएर बाटो खन्दा ठुला ठुला ढुङ्गाहरु खसी घरै भत्केको र जनताहरु सन्त्रासमा रहेको बताउँछन स्थानिय भीष्म पराजुली । उनका अनुसार कतिबेला मरिन्छ जस्तो लाग्छ, कसैले हाम्रो कुरा सुनेन ।

यसबिषयमा कालीगण्डकी गाउँपालिका वडा न २ का वडाध्यक्ष सँग बुझ्दा आफुलाई सामान्य जानकारी भएको र करिब १ घण्टापछि आफू त्यहाँ जाने साथै आफुले सेनाको टोलीलाई समेत जानकारी गराएको बताए । यता पालिका अध्यक्षलाई बुझ्न फोन गर्दा भने फोन सम्पर्क हुनसकेको छैन ।