हात्तीगौंडाबाट विप्लवका ६ जना नेता पक्राउ

७ पुस काठमाडौं । काठमाडाैंको हात्तीगौंडाबाट प्रहरीले नेत्रविक्रम चन्द विप्लव नेतृत्वको ‘नेकपा’ का ६ जना नेतालाई पक्राउ गरेको छ । आइतबार राती सरकारद्वारा प्रतिबन्धित विप्लव ‘नेकपा’ निकट युवा संगठनका ६ जना नेता पक्राउ परेको समाचार स्रोतले जनाएको छ ।

पक्राउ पर्नेहरुमा युवा संगठनका केन्द्रीय सचिव तथा मध्यकमाण्ड इन्चार्ज सञ्जीव लामा, कोषाध्यक्ष तिलकबहादुर गुरुङ, केन्द्रीय सदस्य तथा कार्यालय सचिव वकिल घर्ती मगर, युवा संगठन सोलुखुम्बु इन्चार्ज त्रिलोचन विक र केन्द्रीय सदस्य तथा उदयपुरका नेता दुर्खाबहादुर तामाङ रहेका छन् ।

प्रहरीको विशेष ब्यूरोले हात्तीगौंडास्थित भूमिगत रुपमा सञ्चालित कार्यालयमा छापा मारेर उनीहरुलाई पक्राउ गरेको जनाएको छ ।

पक्राउ नेकपा नेताहरुको साथबाट केही थान गोलीसहितका पेस्तोल बरामद भएको भनिएपनि पनि के कति परिणाममा फेला परेको हो भन्नेबारे पुष्टी हुन बाँकी छ ।