सेञ्चरी कमर्सियल बैंक दायरा बढाउँदै, ग्रान्डी अस्पतालमा उपचार गर्दा शेरधनीलाई आकर्षक छुट

७ पुष, काठमाडौं । कान्छो वाणिज्य बैंकको रुपमा सेवा प्रवाह गर्दै आएको सेञ्चुरी कमर्सियल बैंक र धापासीस्थित ग्रान्डी इन्टरनेशनल अस्पताल प्रा.लि. बीच विभिन्न सेवा सुविधामा दिइने छुट सम्बन्धि सम्झौता भएको छ । सेञ्चुरी बैंकले दिन दिनै आफ्नो कार्यक्षेत्र तथा दायरा बढाउँदै लगेको छ । त्यस कार्यकै परिणमस्वरुप बैंकले आफ्ना क्रेडिट र डेबिट कार्ड प्रयोग गर्ने ग्राहकहरु तथा संस्थापक शयेरधनिहरुलाई सहुलियत प्रदान गर्ने सम्झौता गरेको छ । सम्झौता अनुसार बैंकको क्रेडिट र डेबिट कार्ड ग्राहकहरु तथा बैंकका संस्थापक शेयरधनीहरुले अस्पतालको थुप्रै सेवामा आकर्षक छुट पाउनेछन् ।

उक्त सम्झौतापत्रमा बैंकका बजार प्रबन्धक शेखरराज बस्ताकोटी र अस्पतालका महाप्रबन्धक विकासमान सिंहले हस्ताक्षर गरेका छन् । अन्य जानकारीका लागि बैंकको वेबसाइट www.centurybank.com.np तथा बैंकका शाखा कार्यालयहरुमा सम्पर्क राख्न अनुरोध गरेको छ ।