भुकम्पबाट पुर्ण रुपमा क्षति भएका विद्यालयको पुर्ननिमार्ण हुन ढिलाई, ५१ प्रतिशत काम मात्रै सम्पन्न

मिना कंडेल

८ पुष, नवलपुर । भुकम्पले क्षति पुर्याएको निजी आवासतर्फको पुनःनिर्माण कार्य सक्ने जिल्ला नवलपरासी पहिलो बनेको भएपनि पुर्ण रुपमा क्षति भएका विद्यालय भने अझै सम्पन्न हुन सकेका छैनन् ।

वि.सं २०७२ बैशाख १२ को बिनाशकारी महाभुकम्पका कारण पुर्वी र पश्चिम नवलपरासीमा ८७२ घर पुर्ण रुपमा क्षति भएका थिए भने २१० वटा बिद्यालयका ५२० कक्षा कोठा पुर्ण रुपमा क्षति भएका थिए । जसअन्र्तगत ३७ वटा विद्यालयको ७२ कोठा निर्माण भैसकेको छ ।

शुरुमा निजी आवासतर्फ र विद्यालयतर्फ एउटै निकायले हेदै आएको भएपनि गत साउन १ गतेबाट भने शिक्षा मन्त्रालय अन्तर्रगतका निकायले हेर्दै आएको छ । अहिले १६ विद्यालय निर्माण भएका छन् । त्यस्तै गरि २१ वटा निर्माण भइरहेको राष्ट्रिय पुर्न्निर्माण प्राधिकरण जिल्ला आयोजना शिक्षा कार्यान्वयन इकाई नवलपुरका प्रमुख राजेश्वर पराजुलीले बताए । २१० विधालयका २६८ वठा कोठा मात्र निर्माण हुन सकेको छ भने अझै २५२ कक्षा कोठा निर्माण गर्न वाँकी रहेको प्रमुख पराजुलीले बताए । ३० शौचालयमा ५ वटा निर्माण सम्पन्न भएको छ ।

भुकम्पबाट प्रभावित पूर्वी नवलपरासी र पश्चिममा ९४ प्रतिशत नीजि संरचना निर्माण हुँदै गर्दा विधालयमा ५१. ५३ प्रतिशत मात्र निर्माण कार्य हुन सकेको छ । चैत्र मसान्तसम्म पूर्ण रुपमा क्षति भएका विद्यालयहरुको निर्माण सक्ने लक्ष्य भएपनि विद्यालयमा प्राधिकरणले वजेट निकासा नदिँदा सम्पन्न गर्न कठिनाई परेको प्रमुख पराजुलीको भनाई रहेको छ । शिक्षाको भवन निमार्ण गर्दा ४५ करोड खर्च लाग्ने बताइएको छ ।

नीजि आवासतर्फ भने अहिलेसम्म ९४ प्रतिशत नीजि घरहरु निर्माण सम्पन्न भैसकेको र सेवाग्राहीले सवै किस्ता समेत लगिसकेको राष्ट्रिय पुर्न्निर्माण प्राधिकरण जिल्ला आयोजना कार्यान्वयन इकाई नवलपुरका प्रमुख राजेन्द्र कार्कीले बताएका छन् । पूर्वी नवलपरासीमा भुकम्पबाट निजी आवास क्षति भएको भनेर दुई हजार दुई सय ४६ वटा नयाँ गुनासो दर्ता भएको र आफूहरुले अुनगमन सकेर केन्द्रमा पठाइसकेको प्रमुख कार्कीले बताए ।