सोमालियामा कार बम बिस्फोट, कम्तिमा ३० जनाको मृत्यु

१२ पुस एजेन्सी । अफ्रिकी देश सोमालियामा कार बम बिस्फोट हुँदा कम्तिमा ३० जनाको ज्यान गएको छ । राजधानी मोगादिसुको व्यस्त क्षेत्रमा शनिबार बिहान बिस्फोट भएको हो ।

मोगादिसुको चेकपोइन्टमा भएको बिस्फोटमा ३० जना भन्दा बढीको मृत्यु भएको पुष्टि प्रहरी अधिकारी इब्राहिम मोहम्मदले गरेको समाचार संस्था एएफपीले जनाएको छ ।

सोमालियामा अल–कायदा सम्बद्ध अल–शबाबले विगत १० वर्ष भन्दा बढी समयदेखि हिंसात्मक गतिविधि गर्दै आएको छ । शनिबार बिहान भएको आक्रमणको जिम्मा अहिलेसम्म कुनै पनि समूहले लिएको छैन ।

 

विस्फोटको जिम्मा हालसम्म कुनै समूहले लिएको छैन। सोमालियामा यसअघि यस्ता आक्रमण अल-शबाब समूहले गर्ने गरेको थियो। अल-कायदासँग सम्बन्धित अल-शबाबले १० वर्षदेखि सोमालियमा विद्रोह गरेको छ र सन् २०११ मा राजधानीबाट धपाइएको भए पनि अन्य केही भागमा यसको नियन्त्रण छ।

केही समाचार एजेन्सीहरु उल्लेख समाचार अनुसार सोमालियाका एक सांसद मोहम्मद अब्दिरिजाकले मृत्यु हुनेको सङ्ख्या ९० भन्दा बढि भएको बताएपनि त्यो पुष्टि हुन सकेको छैन।