एनआरएनए सल्लाहकारले कतारमा छाडा बोलेपछि….

५ माघ दोहा । गैरआवासिय नेपाली संघ ‘एनआरएन’ का सल्लाहकार टीबी कार्की बिरुद्द आईसीसीमा उजुरी परेको छ । कार्कीले रक्सी खाएर तमु समाज कतारले गत डिसेम्बर २७ मा सम्पन्न ल्होसारको कार्यक्रममा रक्सी खाएर छाडा बोलेको भन्दै तमु समाजले कार्कीलाई कारबाही गर्न माग गर्दै एनआरएन आसीसीमा उजुरी गरेको हो । तमु समाजले कार्कीलाई कारबाहीको माग गर्दै उनको अभद्र, असभ्य र निकृष्ट ब्यवहारको निन्दा र भर्त्सना समेत गरेको छ ।

एनआरएन आईसीसीका पूर्वउपाध्यक्ष समेत रहेका कार्कीलाई बर्तमान अध्यक्ष कुमार पन्तले अध्यक्ष जिताउन सहयोग गरेको भन्दै सल्लाहकारमा मनोनित गरेका थिए । अक्टोबर २० तारिक बसेको बैठकले कार्कीलाई सल्लाहकारमा मनोनित गरेको हो ।

तमु समाज कतारले कार्कीलाई कारबाही गर्नुपर्ने माग गरेको छ । नेपालबहस डटकमलाई प्राप्त उक्त पत्रमा कार्की रक्सीले मातेर बेहोस अवस्थामा कार्यक्रम स्थलमा प्रबेश गरेका थिए । कार्यक्रम चलिरहेको अवस्थामा उनी एक्कासी आवेशमा आई जथाभाबी बोल्न शुरु गरे । उनले उपस्थित बिशेष अतिथीहरु र उनीहरुका श्रीमतीको नाम लिदै अपश्ब्द बोले ।

उनलाई एनसीसी कतारका पूर्व अध्यक्ष कमलमणी गुरागाइँले कार्यक्रमस्थलबाट बाहिर लगेका थिए । ‘एनआरएन आईसीसीको सल्लाहकारले यस्तो शब्दहरु बोल्लान भन्ने लागेको थिएन, उपस्थित मध्ये एकले भने, मान्छे हदै गिर्दो रहेछ । ‘एनआरएन कतारका प्रथम उपाध्यक्ष उत्तम गुरुङले समेत कार्कीको ब्यवहारको निन्दा गर्दै छानबिन गर्न एनआरएन एनसीसीलाई पत्र लेखेका छन् ।

एनआरएन कतारले कार्कीलाई ४ महिनासम्म कुनैपनि कार्यक्रममा अतिथिको रुपमा निमन्त्रणा नगर्ने र अतिथि नबनाउने बारे समितिमा चर्काे बहस चलेकाे छ । आईसीसी अध्यक्ष कुमार पन्त कार्कीलाई बचाउन आफु निकट कार्यकर्तामार्फत लबिंग गरिरहेको बुझिन्छ । एनआरएन आईसीसीको २ दिने बैठक १८ र १९ तारिकमा पोखरामा जारी छ ।