बिरामीलाई स्याङ्जा सहयोग समाजको सहयोग हस्तान्तरण

१४ माघ काठमाडौं । पन्ध्र दिन देखि ग्रान्डी अस्पताल काठमाडौमा उपाचारार्थ स्याङ्जाकी सबिता कुमारी पौडेललाई स्याङ्जा सहयोग समाजले आर्थिक सहयोग गरेको छ ।

स्याङ्जा सहयोग कतारका उपाध्यक्ष सुर्य प्रसाद अर्यालको नेतृत्वमा चालिएको अभियानमा स्याङ्जा सहयोग समाज अन्तर्राष्ट्रिय समन्वय समितीले पनि सहकार्य गरेको थियो ।

आधिखोला गाउँपालिका बाङ्सिङ देउराली घर भइ हाल पोखरामा बस्दै आएको परिवारलाई आर्थिक अवस्था कमजोर भएर उपचारमा समस्य हुने भएपछि सहयोग रकम संकलन अभियान चालिएको थियो ।

बान्ता हुने लगायतको सामान्य समस्य देखा परेपछि पतिको साथमा पोखरा गण्डकी मेडिकल कलेज पुगेकी पौडेललाई जटिल समस्य भन्दै आइसियुमा भर्ना गरिएको थियो । चार दिनको उपचारमा निको हुने कुनै लक्षण नदेखेपछी काठमाडौ रिफर गरिएको थियो ।

केस जटिल भनेपछि पोखरा बाट हेलिकप्टर काठमाडौ ल्याइएको उनी हाल पन्ध्र दिन देखि काठमाडौ ग्रान्डी अस्पतालमा उपाचारार्थ छन् ।