शिवमाया केन्द्रीय सदस्य नियुक्त

१५ माघ, काठमाडौं । निवर्तमान उपसभामुख शिवमाया तुम्बाहाम्फेलाई सत्तारुढ नेपाल कम्युनिष्ट पार्टीले सकृय राजनीतिमा तानेको छ । नेकपा सचिवालयको हिजो बेलुकी बसेको बैठकले तुम्बाहाम्फेलाई पार्टीको केन्द्रीय सदस्यमा मनोनयन गरेको छ ।

उपसभामुख भएपछि पार्टी राजनीतिबाट अलग रहनुपर्ने संवैधानिक व्यवस्थाका कारण उनले राजीनामा दिएकी थिइन् । उससभामुख हुनुपूर्व तुम्बाहाम्फे पार्टीको केन्द्रीय सदस्य थिइन् ।

आजबाट सरु भएको पार्टी केन्द्रीय कमिटी बैठकमा तुम्बाहाम्फे केन्द्रीय सदस्यका रुपमा सहभागी हुने छिन् । सभामुख नेकपाले लिने निर्णय भएकाले उनले यही माघ ६ गते उपसभामुख पदबाट राजीनामा दिएकी थिइन् ।