सांग्रिलामा एक जम्मा गरी दुई पाउने नयाँ योजना

१६ माघ काठमाडौं । सांग्रिला डेभलपमेन्ट बैंकले आफ्ना ग्राहकलाई लक्षित गरी सांग्रिला एकको दुई मुद्दती निक्षेप योजना सार्वजनिक गरेको छ ।

यस मुद्दती योजनाअन्तर्गत ग्राहकले खाता खोली रकम जम्मा गरेको २ वर्षभित्र खातामा जम्मा गरिएको रकमको सुरक्षणमा ९० प्रतिशत कर्जा र दुई वर्ष समयावधिपश्चात् खातामा जम्मा गरिएको रकमको सुरक्षणमा ग्राहकले १०० प्रतिशत कर्जा सुविधा प्राप्त गर्न सक्ने बैंकले जनाएको छ ।