२ अर्ब नजिक कारोवार हुँदा आज बीमाको दिन, अबको प्रतिरोध कहाँ ?

१६ माघ, काठमाडाैं । बीमा कम्पनी र वाणिज्य बैंकमा आएको आक्रामक खरिद संगै साताको अन्तिम दिन बजारमा दोहोरो अंकको वृद्धि देखिएको छ ।  नेप्से परिसूचक १९ दशमलव ५१ ले वृद्धि हुँदै १३२५ दशमलव ३८ को विन्दुमा बजार बन्द भएको छ ।  दोश्रो बजार १ दशमलव ४९ प्रतिशतले वृद्धि भएको छ । कारोवार रकमपनि वृद्धि हुँदै २ अर्ब नजिक पुगेको छ । आज १ अर्ब ९६ करोडको शेयर कारोवार भएको छ । आज १७८ कम्पनीका ४६ लाख २ हजार कित्ता शेयर खरिदबिक्री भएको छ। सर्वाधिक कारोवार हुने ५ कम्पनीको सूचीमा सबै जीवन बीमा कम्पनीहरु रहेका छन् ।

आज ट्रेडिङ्ग बाहेक सम्पूर्ण उपसुचकम वृद्धि देखिएको छ। आज ट्रेडिङ्ग उपसुचकमा १ दशमलव ९१ प्रतिशतको गिरावट देखिएको छ ।  निर्जीवन बीमा उपसुचकमा सर्वाधिक ३ दशमलव ९६ प्रतिशतको वृद्धि देखिएको छ भने जीवन बीमा उपसुचकमा २ दशमलव २८ प्रतिशतको वृद्धि देखिएको छ ।

आज बजार १३०६ दशमलव २९ को विन्दुमा खुलेको थियो भने बजारको न्यून विन्दु पनि त्यही हो । आज बजारले २ बजेर ३९ मिनेटमा उच्च विन्दु बनाएको थियो । आज बजारको उच्च विन्दु १३३२ दशमलव २९ रहेको छ । अन्तिम २० मिनेट भने बजारमा बिक्री चाप आएको थियो । यस्तै सेन्सेटिभ परिसूचक ३ दशमलव ५७ ले बढेर २८१ दशमलव ७६ मा पुगेको छ ।

आज सूर्या लाईफ इन्स्योरेन्सको शेयर सर्वाधिक ११ करोड माथिको कारोवार हुँदा एभरेस्ट इन्स्योरेन्सका शेयरधनीले सर्वाधिक १० प्रतिशतले कमाए भने हिमालयन उर्जाका शेयरधनीले सर्वाधिक ५ दशमलव ३५ प्रतिशतले गुमाए ।

हेरौ आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

पहिलो प्रतिरोध : १३३३ पहिलो टेवा : १३१७

• आज नेप्से बढ्दो प्रवृत्तिमा रहेको र हाल १३३० को प्रतिरोधलाई सामना गरि रहेको देखिन्छ ।
• आज नेप्से परिसूचक १३२५ दशमलब ३८ को बिन्दुमा बन्द भएको छ ।
• आजको कारोबारले “बुलिस” मैनबत्तीको चित्र बनाएको छ। यसले बजारमा आपूर्तीभन्दा माग बढेको जानकारी गराउँदछ ।
• दैनिकी अवधिमा “आरएसआई” ६९ दशमलब १७ को बिन्दुमा छ ।
• आरएसआईको प्रवृत्तिले आज बजारमा खरिदकर्ताको चाप रहेको जानकारी गरेको छ ।
• “एडिएक्स”ले क्रेताको चाप कमजोर हँदै गएको जनाएको छ भने जोड र बिजोड “डाइरेक्सनल इन्डेक्स”हरुले क्रेताको चाप हुन थालेको जनाएको छ ।
• “अन ब्यालेन्स भल्यूम” ले बजारमा खरिदकर्ताको चाप हुन सक्ने जानकारी गराएको छ ।
• नेप्से बढेमा पहिलो प्रतिरोध १३३३ को क्षेत्रमा पाउने देखिन्छ र घटेमा पहिलो टेवा १३१७ को क्षेत्रमा पाउने देखिन्छ ।