एभरेस्ट प्रिमियर लिग खेल्न नेपाल आउँदै क्रिस गेल

१६ माघ, काठमाडौं । चर्चित ब्याट्सम्यान क्रिस गेलले एभरेस्ट प्रिमियर लिगमा पोखरा राइनोजबाट खेल्ने भएका छन् । साहिल अग्रवालको स्वामित्वमा रहेको पोखरा राइनोजले काठमाडौंको सोल्टी होटलमा पत्रकार सम्मेलन गरी यो जानकारी दिएका हुन्।

क्रिकेटर क्रिस गेल सबभन्दा छिटो शतकको कीर्तिमान छ र टि–२० मा सबभन्दा धेरै रन बनाउने खेलाडी पनि हुन् । आइपिएलमा एकै इनिङमा धेरै छक्काको कीर्तिमान पनि उनकै नाममा रहेको छ।

वेस्ट इन्डिजका खेलाडी क्रिस पहिलो पटक नेपाली मैदानमा खेल्ने भएका छन् । पोखरा राइनोजले गत वर्ष दक्षिण अफ्रिकाका रिचर्ड लेभीलाई खेलाएको थियो। इपिएलको तेस्रो सिजन चैतबाट सुरु हुने तयारीमा छ । गत सिजन पोखरा राइनोज लिगको पुछारमा रहेको थियो। गेल इपिएलमा खेल्ने चर्चा गत वर्ष पनि चलेको थियो ।