वुहानका नेपालीको उद्धारबारे चिनियाँ दूतावासको चासो

२२ माघ काठमाडौं । वुहानका नेपालीको उद्धारबारे काठमाडौंस्थित चिनियाँ दूतावासले चासो देखाएको छ । दूतावासले चीनबाट नेपाली फिर्ता ल्याउनुअघि आवश्यक तयारी पूरा आग्रह गरेको छ ।

नेपालीस्थित चिनियाँ राजदूतले प्रेस नोट जारी गर्दै नेपालीहरूलाई काठमाडौं विमानस्थल झार्नुअघि विमानस्थलमा क्वारेन्टाइन तथा विश्व स्वास्थ्य संगठनका नेपालस्थित प्रतिनिधिबाट महामारी फैलिन नदिने उपायका विषयमा सल्लाह लिन सुझाव दिइएको छ।

चिनमा कोरोना भाइरसको महामारी बढेपछि बेइजिङस्थित नेपाली दूतावासको आग्रहअनुसार एक सय ८० विद्यार्थीले नेपाल फर्किन आवेदन दिएपछि नेपालले विमान पठाएर उनीहरुलाई नेपाल ल्याउने तयारी गरिरहेको हो।