फुँयाल मन्त्री नियुक्त

२९ माघ, हेटौंडा । बाग्मती प्रदेशका मुख्यमन्त्री डोरमणि पौडेलले सांसद रामेश्वर फुँयाललाई मन्त्री पदमा नियुक्त गरेका छन् ।

फुँयाललाई भौतिक योजना तथा पूर्वाधार मन्त्रालयको जिम्मेवारी तोकिएको छ । बेलुकी ४ बजे शपथग्रहणको कार्यक्रम तय भएको छ ।

गएको कात्तिक महिनामा केशव स्थापितलाई उक्त पदबाट बर्खास्त गरिएको थियो । त्यसयता सो पद रिक्त रहेको थियो ।प्रदेशको नाम र राजधानी बाग्मती तथा हेटौंडा कायम गर्न उल्लेख्य भूमिका निर्वाह गरेका फुँयाललाई मन्त्री पद दिइएको हो ।

फुँयाल अहिले बाग्मती प्रदेश संसदीय दलका मुख्य सचेतक थिए ।