नेकपाका महासचिव विप्लव पक्राउ !

८ फाल्गुण, काठमाडौं । प्रतिबन्धित नेपाल कम्युनिष्ट पार्टी (नेकपा)का महासचिव नेत्रविक्रम चन्द्र ‘विप्लव’लाई प्रहरीले गिरफ्तार गरेको चर्चाले यतिबेला सामाजिक सञ्जालमा व्यापकता पाएको छ । उनलाई आज बिहीबार प्रहरीले कपिलवस्तुबाट गिरफ्तार गरेको अपुष्ट खबर छ ।

यद्यपि, प्रहरी प्रवक्ता शैलेश थापाले भने यसबारे थाहा नभएको बताए । “तपाईले जस्तै मैले पनि हल्ला मात्र सुनेको छु ” प्रवक्ता थापाले नेपालबहसको जिज्ञासामा भने । यस्तै विप्लव निकट एक नेताका अनुसार यो हल्ला हल्ला मात्रै भएको दावी गरेका छन् ।

विप्लव नेतृत्वको पार्टीले सांगठनिक रुपमा पराधिक गतिविधि गरेको ठहरसहित सरकारले २८ चैत २०७५ मा पार्टीमाथि प्रतिबन्ध लगाएको थियो । त्यसयता विप्लवका सयौं कार्यकर्ता पक्राउ परिसकेका छन् । कतिपयले पार्टी परित्याग गर्दै धमाधम सत्तारुढ नेकपामा प्रवेश गर्ने क्रम तीव्र रुपमा चलेको छ ।