मृतकको परिवारलाई ग्लोबल आइएमईले दियो पाँच लाखको चेक

१२ फागुन, काठमाडैं । ग्लोबल आइएमई बैंक लिमिटेडेले निक्षेप बीमा वापतको चेक हस्तान्तरण गरेको छ । बैंकको पानीपोखरी शाखामा नवरत्न कर्मचारी बचत खाता खोली कारोबार गर्दै आएका स्वर्गीय राजु गिरीको परिवारलाई पाँच लाख रुपैयाँको चेक हस्तान्तरण गरेको हो । गिरीको सडक दुर्घटनामा परी मृत्यु भएको थियो ।

ग्लोबल आइएमई बैंक लिमिटेडका नायव महाप्रबन्धक सुरेन्द्रराज रेग्मीले स्वर्गीय गिरीको परिवारलाई बीमा वापतको रकम हस्तान्तरण गरेका हुन् । ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले विभिन्न स्थानमा शाखा, एक्सटेन्सन काउण्टर तथा शाखारहित बैंकिङ्ग सेवा मार्फत आफ्ना ग्राहकहरु माझ सेवा प्रदान गर्दै आइरहेको छ ।

बैंकले २७० शाखा, ३७ राजश्व संकलन तथा एक्सटेन्सन काउण्टर, २५६ एटिएम तथा २४९ शाखा रहित बैंकिङ्ग सेवा र नेपाल बाहिर ३ प्रतिनिधि-सम्पर्क कार्यालय मार्फत आफ्ना १९ लाख भन्दा बढि ग्राहकहरुलाई सेवा प्रदान गर्दै आइरहेको छ ।