एमसीसी र बाँस्कोटा प्रकरण बारे नेकपा सचिवालय बैठक सुरु

१४ फाल्गुण, काठमाडौं । नेपाल कम्युनिष्ट पार्टीको सचिवालय बैठक प्रधानमन्त्री निवास बालुवाटारमा सुरु भएको छ ।

अमेरिकी सहयोग मिलेनियम च्यालेञ्ज कर्पाेरेशन ( एमसीसी ) र पूर्व सञ्चारमन्त्री गोकुल बाँस्कोटाको घूस प्रकरणमा ठोस धारणा बनाउन आजको सचिवालय बैठक बसेको स्रोतको भनाई छ ।

बैठकमा संविधान संशोधन गरी नेता वामदेव गौतमलाई प्रधानमन्त्री बन्ने बाटो खोल्न संविधान संशोधन कार्यदल बनेको भनी व्यापक आलोचना भएपछि यसबारे समेत छलफल गरिने बताइएको छ ।

बैठकमा प्रधानमन्त्री केपी ओली तथा पार्टी अध्यक्ष पुष्पकमल दाहाल लगायत सबै सदस्य सहभागी छन् ।