अर्थमन्त्रीबाट युवराज खतिवडा हट्ने पक्का

१४ फागुन, काठमाडौं । आज बसेको नेपाल कम्युनिष्ट पार्टी (नेकपा) स्थायी कमिटी बैठकले राष्ट्रिय सभा सदस्यमा बामदेव गौतमलाई सिफारिस गरेसँगै वर्तमान अर्थमन्त्री डा.युवराज खतिवडाको पदावदी नथपिने पक्का भएको छ ।

खतिवडाको पदावधि थपिने कि नथपिने भन्ने संशय आजको नेकपा बैठकले तोडिदिएको छ । वर्तमान अर्थमन्त्री खतिवडाको पदावधि यही फागुन २० गते सकिँदै छ ।

उनी अर्थमन्त्रीबाट हट्ने चर्चा चलेसँगै जुर्मुराएको बजारले दैनिक रेकर्ड कायम राख्दै आएको छ । आज पनि शेयर बजारमा लगानीकर्ताले मन खोलेर लगानी गर्दा दिउँसो १ः३० बजे बजार ४० अंकले बढेर नेप्से १५८५ विन्दूमा पुगेको छ ।