बामदेवका कारण नेकपा टुक्रने खतरा

१४ फागुन, काठमाडौं । प्रधानमन्त्री एवं पार्टी अध्यक्ष खड्गप्रसाद ओलीले पार्टीका प्रभावशाली नेता बामदेव गौतमलाई राष्ट्रियसभा सदस्य स्वीकार नगर्ने जनाएका छन् । सत्तारुढ नेपाल कम्युनिष्ट पार्टी (नेकपा)को पार्टी सचिवालय बैठकले उपाध्यक्ष बामदेव गौतमलाई एक मात्र खालि रहेको राष्ट्रियसभाको सदस्य बनाउने निर्णय आज नै गरेको थियो । यदि समय थप नहुने हाे भने आगामी फागुन २० गते कार्यकाल सकिएपछि वर्तमान अर्थमन्त्रीसमेत रहेका राष्ट्रियसभा सदस्य डा. युवराज खतिवडा स्वतः पदमुक्त हुँदैछन् ।

यदि पार्टी सचिवालयको आज भएको निर्णय प्रधानमन्त्री ओलीले नमानेर पुनः हालका अर्थमन्त्रीलाई नै समयावधी धपेर खतिवडालाई नै अर्थमन्त्रीको रुपमा निरन्तरता दिने कसरत गरेमा पार्टीभित्र नै ओलीविरुद्ध अविस्वासको प्रस्ताव ल्याउन पर्ने अवस्था सिर्जना हुने एक नेकपा नेताले बताए ।

उनले भने “सिगो पार्टी कमिटी नै बसेर गरेको निर्णयमा यो र त्यो बहानामा प्रधानमन्त्री एकलौटी सत्ता र पार्टी संचालन गर्ने सोचमा हुनुहन्छ भने त्यो कदापी मान्य हुँदैन” । उनले भने “यदि प्रधानमन्त्री विभिन्न बहानाबाजी गर्दै पार्टी कमिटीलाई नै चुनौती दिनुहन्छ भने गौतामजीको विवादले उग्र रुप लिने छ र यस कारण पार्टीले ठूलो क्षती व्यहोर्न पर्ने हुन्छ ।”

उनले भनेका छन् :– “आज पार्टीलाई एकढिक्का हुन जसले जुटायो उसैलाई प्रधामन्त्री ओलीले नमान्नुको कारण मैले बुझन् सकेको छैन । यस विषयमा पार्टीको शिर्षतहमा नै भित्री छलफल भइरहेको छ ।” यसअघि पार्टी प्रवक्तासमेत रहेका नेता नारायणकाजी श्रेष्ठले बामदेव गौतमको विषयमा सचिवालय बैठकमा सर्वसम्मत निर्णय भएको जनाकारी दिएका थिए ।

र याे पनि …प्रचण्ड, खनाल र गौतमलाई खातैखात