शेरधन राईविरुद्ध अंशमुद्धा:- नेकपा नेताहरुमा सांस्कृतिक विचलन

१८ फाल्गुण, काठमाडौं । सत्तारुढ नेपाल कम्युनिष्ट पार्टीभित्र सांस्कृतिक विचलन झाँग्गिएको बेला पछिल्लो पटक नयाँ श्रृँखला थप्ने काम प्रदेश नं. १ का मुख्यमन्त्री शेरधन राईले गरेका छन् । लामो समयदेखि राईको शोषणमा परेको दावी गर्दै नेकपा युवा संगठनकी नेतृ बालिका खड्काले अदालतमा अंशमुद्धा दायर गरेर यसको पर्दाफास गरेकी छन् ।

दोलखा घर भएकी नेतृ खड्काले पार्टी भित्रबाट न्याय नपाएपछि गत शुक्रबार न्यायलय नै पुगेकी छन् । काठमाडौं जिल्ला अदालतमा खड्काले मुख्यमन्त्री राईविरुद्ध नाता कायम गरी अंश भराई पाऊँ भन्दै फिरादपत्र दर्ता गरेकी छन् । अदालत समक्ष दर्ता गरिएको फिरादपत्रमा बालिकाले भनेकी छन् – २०७१ सालमा सञ्चारमन्त्री भएदेखि राईले आफूलाई पत्नीका रुपमा राखेका हुन् । त्यतिखेर मलाई गोल्फुटारमा घर भाडा लिई राखेका थिए । तर पछि उनले वास्ता गर्न छाडेका हुन् ।

सत्तारुढ दलभित्र यस्ता सांस्कृतिक बिचलनका घटना धेरै छन् , खोजीनीति गर्ने हो भने धेरै विषय छताछुल्ल हुनसक्छ – एक नेताले बताए । तर बालिकाले लगाएको आरोपको मुख्यमन्त्री राईले प्रतिवाद गरेका छन् ।

हिजो इटहरीमा प्रेस संगठनको आयोजनामा गरिएको पत्रकार अन्तक्र्रियामा उनले बालिकासँग आफ्नो चिनजान समेत नरहेको दावी गरेका छन् ।