आपूर्ती र माग लगभग बराबर अवस्थामा, बजारले माथिल्लो गति समाउने सम्भावना कति ?

२२ फागुन, काठमाडौं । साताको अन्तिम कारोवार दिन नेप्से परिसूचक ५ दशमलव ५० अंकले घटेको छ । दोश्रो बजार शुन्य दशमलव ३८ प्रतिशतले घट्दा २ अर्ब ४५ करोड कारोवार भएको छ । नेप्से परिसूचक घट्दा कारोवार रकमपनि घट्नुलाई बजारमा प्यानिक केही कम भएको अनुमान लगाउन सकिन्छ । दोश्रो बजार १४३५ दशमलव ७० को विन्दुमा बन्द भएको छ ।

बजारले ११ बजेर ११ मिनेटमा १४०८ दशमलव ४४ को न्यून विन्दु समातेको थियो भने बजारले १ बजेर ३८ मिनेटमा १४६४ दशमलव ६३ को उच्च विन्दु समातेको थियो । हिजो भन्दा आज बजारले सकारात्मक प्रवित्ति समातेको देखिन्छ।  ग्राफको प्रवित्तमा सुधार आउनु र बजार घट्दा कारोवार रकम कम हुनुलाई बजारले केही समयको लागि सकारात्मक प्रवित्त समात्न खोजेको जस्तो देखिने शेयर बजारका प्राविधिक विश्लेषकले नेपाल बहससंग कुरा गर्दै भने।  

केही दिन देखि आक्रामक रुपमा घटेको लघुवित्त उपसुचकमा आज भने सर्वाधिक वृद्धि देखिएको छ। आज लघुवित्त उपसुचकमा सर्वाधिक २ दशमलव १३ प्रतिशतको वृद्धि देखिएको छ । आज लघुवित्त, विकास बैंक, फ़ाइनान्सम अन्य र जीवन बीमा उपसुचकमा मात्र वृद्धि देखिएको थियो । बजारलाई ड्राईभ गर्ने वाणिज्य बैंक उपसुचकमा १ दशमलव ११  प्रतिशतको गिरावट आएको छ ।

हेरौं आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

 पहिलो प्रतिरोध : १४४८ पहिलो टेवा : १४२०

• यो साता शेयर बजार घट्दो प्रवृत्तिमा रहेको छ। मुख्य प्रतिरोध क्षेत्रदेखि सच्चिंदै आएर बजार हाल १३५० देखि १४०० को मुख्य टेवा क्षेत्र नजिक रहेको देखिन्छ।
• आजको मैनबत्तीले “स्पिनिङ्ग टप” चित्र बनाएको छ। यसले बजारमा आपूर्ती र माग लगभग बराबर अवस्थामा रहेको जानकारी गराउँदछ।
• दैनिकी अवधिमा “आरएसआई” ५० दशमलब ८० को बिन्दुमा छ। यो अक्सिलेटरले बजारमा विक्रीकर्ताकोे चाप रहेको जानकारी गराएको छ।
• “एडिएक्स” तथा जोड ÷ बिजोड “डाइरेक्सनल इन्डेक्स”हरुले बजारमा हालसम्म विक्रेताको चाप रहेको जानकारी गरेको छ।
• “अन ब्यालेन्स भल्यूम” र बजारको प्रवृत्तिले बजारमा मागभन्दा आपूर्ती बढ्न सक्ने जानकारी गराएको छ। नेप्से बढेमा पहिलो प्रतिरोध १४४८ को क्षेत्रमा पाउने देखिन्छ र घटेमा पहिलो टेवा १४२० को क्षेत्रमा पाउने देखिन्छ।