भन्सार छली ल्याईएको राँगा, खसि र बेसार बरामद

२७ फागुन बर्दिया । जिल्ला प्रहरी कार्यालय बर्दियाले भन्सार छली चोरी पैठारी गरी ल्याई बेबारिसे छोडिएका राँगा बरामद गरेको छ ।

प्रहरी टोलीले जिल्ला बर्दिया गुलरिया नगरपालिका वडा नं. ६ स्थित गस्ती गर्दै जाने क्रममा भारतबाट भन्सार छलि चोरी पैठारी गरी ल्याई बेवारिसे अवस्थामा छोडिएका करिव ८० हजार मुल्य बराबरका फेला पारी उक्त राँगा बरामद गरेको हो ।

यस्तै प्रहरी टोलीले बेवारिसे अवस्थामा छोडिएका खसी-११, भेडा, २ र बाख्रा १ गरी जम्मा १४ वटालाई बरामद गरेको छ । प्रहरीका अनुसार अन्दाजी मुल्य रु १ लाख ४५ हजार रहेको छ ।

प्रहरीले सोही स्थानबाट भन्सार छली चोरी पैठारी गरी ल्याई बेवारिसे अवस्थामा थुपारी राखेको ३४ बोरा बेसार समेत बरामद गरेको छ । करिव १ हजार ८ सय ४५ के।जि रहेको बेसारको मुल्य रु.५० हजार रहेको छ ।

बरामद गरिएको राँगा, खसि र बेसारलाई आबश्यक करवाहीको लागि राजापुर भन्सार कार्यालय पठाईएको जिल्ला प्रहरी कार्यालय बर्दियाका प्रहरी नायव उपरीक्षक योगेन्द्र कुमार खड्काले बताए ।