अमेरिकाको सम्पूर्ण खेलकुद गतिविधि स्थगित

३० फागुन, एजेन्सी । चीनबाट फैलिएको कोरोना भाईरसको कारण अमेरिकाको सम्पूर्ण खेलकुद गतिविधि स्थगित गरिएको छ । कोरोनाले विश्वभर महामारीको रुप लिएपछि अमेरिकाले कम्तिमा एक महिनाको लागि सम्पूर्ण खेलकुद गतिविधि बन्द गरेको हो ।

खेलकुद गतिविधि बन्द भएसँगै अमेरिकाको मेजर लिक सकर ‘एमएलएस’ लिग फुटबल, एनबीए, नेसनल हक्की र मेजर लिक बेसबलको खेलहरु स्थगित भएको छ ।

कोरोनाको कारण पछिल्लो समय विश्वभरका खेलकुद गतिविधि समेत प्रभावित भएको छ । ओलम्पिक, युरोकप लगायतका खेलकुदका केहि ठुला प्रतियोगिता समेत स्थगित गर्ने तयारी भईरहेको छ ।