कोरोनाले सातै प्रदेशका मुख्यमन्त्री चितिन्त ! एकीकृत कार्यक्रम बनाउन छलफलमा

२ चैत्र, काठमाडौं । विश्वभरि महामारीका रुपमा फैलिएको कोरोना भाइरसबाट जोगिन नेपाल सरकार पछिल्ला दिनमा आएर केही गम्भिर देखिएको छ । देशैभरि एकीकृत कार्यक्रम सञ्चालन गर्न आज राजधानीमा सातवटै प्रदेशका मुख्यमन्त्रीहरुलाई राखेर छलफल हुदैछ ।

अहिले अपरान्ह १ बजे सिंहदरबारस्थित प्रधानमन्त्री कार्यालयमा गरिने छलफलको नेतृत्व उपप्रधान एवं रक्षामन्त्री ईश्वर पोख्रेलले गर्दैछन् । सरकारले पोख्रेलको संयोजकत्वमा कोरोना भाइरस रोकथाम तथा नियन्त्रण उच्चस्तरीय समिति गठन गरेको छ ।

छलफल कार्यक्रममा भाग लिन सातवटै प्रदेशका मुख्यमन्त्री र सामाजिक विकासमन्त्रीहरु राजधानी आइपुगेका छन् ।चीनको बुहानबाट गत डिसेम्बर अन्तिम सातादेखि फैलिएको कोरोना भाइरसबाट हालसम्म पाँच हजार भन्दा बढीको ज्यान गइसकेको छ भने एकलाख भन्दा बढी प्रभावित भएका छन् ।

नेपालमा हालसम्म कोरोना भाइरस लागेको फेला नपरेपनि उच्च सतर्कता अपनाउन विश्व स्वास्थ संगठनले चेतावनी दिइसकेको छ । त्यसैले पछिल्ला दिनमा सरकारले यसमा केही गम्भिरता देखाएको अनुभूति भएको हो ।