कोरोनाबाट भारतमा २४ घण्टामा २७ जनाको मृत्यु

२ वैशाख काठमाडौं । भारतमा तिब्र गतिमा कोरोना फैलिएको छ । कोरोनाका कारण ज्यान गुमाउनेको संख्या साढे ३ सय नाघेको छ । यो समाचार तयार पार्दासम्म भारतमा कोरोनाकै कारण ३ सय ५८ जनाको मृत्यु भइसकेको छ । पछिल्लो २४ घण्टामा मात्रै भारतमा २७ जनाको मृत्यु भएको छ ।

भारतमा कोरोना फैलिने दर पनि निकै बढेको छ । शुरुमा केही हजारमा देखिएको कोरोना एक हप्तामा १० हजार भन्दा धेरैमा फैलिएको छ । सोमबार रातीसम्म भारतमा १० हजार ४ सय ५३ जनामा कोरोना संक्रमणको पुष्टि भएको छ ।

१२ सय भन्दा धेरै पछिल्लो २४ घण्टामा मात्रै फेला परेका हुन । यसरी संख्या बढ्दै जाँदा अब अमेरिकापछि भारतमा कोरोनाले ठूलो क्षति गर्ने आशंका गरिएको छ । अहिलेसम्म १ हजार १ सय ८१ जना उपचारपछि घर फर्किएका छन ।

८ हजार ९ सय १४ जनाको विभिन्न अस्पतालमा उपचार चलिरहेको छ । भारतले लकडाउन शुरु गरेको तेस्रो हप्ता पुगेपनि संक्रमितको संख्या भने दिनानुदिन बढ्दै गएको छ । भारतमा कोरोनाबाट संंक्रमित हुने केही नेपाली पनि छन । जसको अवस्था सामान्य रहेको बताइएको छ ।२