अत्यावश्यक खाद्यान्नको नाममा ठूलो परिमाणमा मदिरा बरामद

♦ धीरुभाई

५ बैशाख, सप्तरी । वडा प्रहरी कार्यालय राजविराजबाट खटिएको गस्ती टोलीले अत्यावश्यक वस्तु खाद्यन्नको बहाना बनाई लकडाउनको उल्लघंन गरेर अवैध रुपमा लैजादै गरेको अवस्थामा ठूलो परिमाणमा मदिरा नियन्त्रणमा लिएको छ ।

प्रहरीले राजविराज नगरपालिका वडा नम्बर ६ बाट सवारी साधनसहित मदिरा नियन्त्रणमा लिएको हो । मदिरा बोकेर लादै गरेको प्रदेश २–०१–००१ त ०५२८ नम्बरको ट्याक्टर र चालक समेतलाई नियन्त्रणमा लिएको जिल्ला प्रहरी कार्यालय सप्तरीले जनाएको छ ।

प्रहरीले ट्याक्टर चालकलाई सोध्दा खाद्यान्न सामग्री भएको भनेपछि चेकजाँच गर्दा बिल भरपाई बिना अवैध रुपमा विभिन्न ब्राण्डका मदिराहरु पाइएको बताएको छ । अहिलेको परिस्थितीको नाजायज फाइदा उठाएर अपराधिक क्रियाकलापमा संलग्न रहेको भन्दै ट्याकटर चालक जिल्लाको महादेवा गाँउपालिका वडा नम्बर १ बस्ने वर्ष ३२ को श्रवण मण्डललाई नियन्त्रणमा लिएको प्रहरी प्रवक्ता प्रहरी नायब उपरीक्षक तिलक भारतीले नेपालबहस डटकमलाई जानकारी दिए ।

ट्याक्टरसहित चालक श्रवण मण्डल, दिलेवाले मदिरा ९० काटुन, एम्बिसन मदिरा २० काटुन, गोल्डहली मदिरा छ काटुन नियन्त्रण लिएर आवश्यक कारबाही अघि बढाएको बताइएको छ ।