उदयपुरमा थप ८ जनामा कोरोनाको आशंका !

९ बैशाख उदयपुर । यसअघि १३ जनामा कोरोना संक्रमण भएको ठाउँ उदयपुरमा थप ८ जनामा कोरोनाको आशंका गरिएको छ । विराटनगरको कोशी अस्पतालको प्रयोगशालामा परीक्षण गर्दा नतिजा शंकास्पद आएपछि धरानस्थित बीपी कोइराला स्वास्थ्य विज्ञान प्रतिष्ठानमा पुनः परीक्षण गर्न पठाइएको छ ।

कोशी अस्पतालका एक चिकित्सकका अनुसार उदयपुरको त्रियुगा नगरपालिकास्थित मस्जिदमा ११ जना भारतीय र दुई नेपालीमा कोरोना संक्रमण पुष्टि भएपछि उनीहरुको सम्पर्कमा रहेकाहरु ६८ जनाको स्वाब संकलन गरी परीक्षण गरिएको थियो । तीमध्ये थप ८ जनाको रिर्पोट शंकास्पद आएको छ ।

नेपालमा अहिलेसम्म ३१ जनामा कोरोनाको संक्रमण छ । तीमध्ये ४ जना उपचारपछि घर फर्किसकेका छन । बाँकीको विभिन्न अस्पतालमा उपचार भइरहेको छ । सबैभन्दा धेरै १३ जना उदयपुरमा संक्रमित छन ।