नेपालमा थप ३ जनामा कोरोनाकाे पुष्टि, संक्रमितको संख्या ४५ पुग्याे

१० बैशाख काठमाडौं । नेपालमा थप ३ जनामा कोरोना भाइरस संक्रमणकाे पुष्टि भएको छ । धरानमा रहेको बीपी कोइराला स्वास्थ्य विज्ञान प्रतिष्ठानमा गरिएको परीक्षणमा पीसीआर रिर्पोट पोजेटिभ आएपछि ३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

उनीहरु तीनै जना उदयपुरका हुन । यससँगै नेपालमा कोरोना संक्रमितको संख्या ४५ पुगेको छ । यसअघि हिजो मंगलबारसम्म ४२ जनामा कोरोना पुष्टि भएको थियो ।

यसैबीच बुधबार थप दुई जना कोरोना सञ्चो भएर घर फर्किदैछन । काठमाडौको टेकु अस्पतालमा उपचार गराइरहेका एक जना र कैलालीको धनगढीस्थित सेती अञ्चल अस्पतालमा उपचार गराइरहेका अर्का एकजना उपचारपछि घर फर्किन लागेका हुन । यससँगै कोरोनाबाट संक्रमित भएपनि उपचारपछि निको भएर घर फर्किनेको संख्या ७ पुगेको छ ।