बिहानै लकडाउन उल्लङ्घन गर्ने सात सय जना होल्डमा

१९ बैशाख काठमाडौं । कोरोना भाइरस ‘कोभिड-१९’ को सङ्क्रमणबाट बच्न अहिले देश नै लकडाउन छ । लकडाउनको समयमा अत्यावश्यक कामबाहेक घरबाहिर ननिस्कन आदेश दिइएको छ । तर लकडाउन उल्लङ्घन गर्ने क्रम भने रोकिएको छैन ।

शुक्रबार बिहानै काठमाडौं उपत्यकाका विभिन्न ठाउँबाट सात सयभन्दा धेरैलाई प्रहरीले होल्ड गरेको छ । लकडाउन उल्लङ्घन गरी हिँडेका सात सय २३ जनालाई प्रहरीले होल्ड गरेको हो । पाँच सय सात जनालाई काठमाडौंबाट, एक सय ३१ जनालाई ललितपुरबाट र पाँच जनालाई भक्तपुरबाट होल्ड गरिएको प्रहरीले जनाएको छ । यस्तै एक सय सात वटा गाडीलाई पनि प्रहरीले नियन्त्रणमा लिएको छ ।

लकडाउनको ३९ औँ दिन आज पनि अत्यावश्यक कामबाहेक घरबाहिर निस्किएकालाई प्रहरीले होल्ड गरेको हो । उनीहरुलाई कोरोना सङ्क्रमणले गर्ने असर र यसबाट बच्नको लागि घरभित्रै बस्न सुझाव दिएर दुई घण्टापछि प्रहरीले छाड्ने गरेको छ । तर अत्यावश्यक कामबाहेकका लागि निस्किएको गाडी भने बेलुकीमात्रै छाड्ने गरिएको छ ।