राजविराजमा हातधुने स्टेशनको शुभारम्भ

◊ धीरुभाइ

३१ बैशाख, सप्तरी । युनिसेफ फिल्ड अफिस जनकपुरधामको सहयोगमा गजेन्द्र नारायण सिंह अस्पताल राजविराजमा हातधुने स्टेशन सुरु गरिएको छ । कोरोना भाइरस (कोभिड १९) को संक्रमण फैलिनबाट जोगिने उद्देश्यले जडान गरिएको हातधुने स्टेशनको अस्पतालका मेडिकल सुपरिटेन्डेन्ट डा. चुमनलाल दासले बुधबार शुभारम्भ गरेका हुन् ।

प्रादेशिक खानेपानी सरसफाई तथा स्वच्छता समन्वय समिति जनकपुरधामको समन्वय तथा युनिसेफको सहयोगमा, सप्तरी सामुदायिक विकास केन्द्र, नेपालको संयोजनमा अस्पताल आउने जोसुकैलाई हातधुनलाई सो स्टेशन जडान गरिएको केन्द्रका अध्यक्ष शम्भुनन्द चौधरीले जानकारी दिए ।

सो अवसरमा सेद द चिल्ड्रेनका बरिष्ठ कार्यक्रम संयोजक अरूण मेहता, नेपाल पत्रकार महासंध शाखा सप्तरीका पूर्व अध्यक्ष धीरेन्द्रप्रसाद साह, नेपाली सेना, केन्द्रका प्रतिनिधि, अस्पतालका कर्मचारीहरुको सहभागीता रहेको थियो ।