जिल्ला प्रशासनले बाँडेका सबै सवारी पास खारेज

१ जेठ काठमाडाैं । देशभर कोरोना भाइरस संक्रमित बढेपछि जिल्ला प्रशासनले वितरण गरेको सवारी पास खारेज हुने भएकाे छ । गृहमा बिहीबार बसेको बैठकले जिल्लाभित्र लागू हुने गरी प्रशासनले वितरण गरेको पास जेठ ३ गतेबाट लागू हुने गरी खारेज गर्ने निर्णय गरेको हो ।

काठमाडाैं उपत्यकाका तीनवटै जिल्लाका प्रमुख जिल्ला अधिकारीसहित गृह मन्त्रालयमा बसेको बैठक यस्तो निर्णय गरेको गृह मन्त्रालयका उपसचिव उमाकान्त अधिकारीले बताए ।

शनिबारबाट लागू हुने गरी सम्बन्धित जिल्लाभित्र र बाहिर आवगमन गर्न दिइएका सवारी पास खारेज गरिएको छ । अबदेखि सवारी पास गृह मन्त्रालयको अनुमतिमा मात्रै जारी गरिने  गृहले बताएकाे छ । सञ्चारकर्मीका लागि भने सूचना विभागबाट जारी गरिएको पासबाट आवगमन दिइने छ ।