युनिसेफको सहयोगमा दुई अस्पताललाई स्वास्थ्य सामग्री प्रदान

धीरुभाइ

२ जेठ, सप्तरी । प्रादेशिक खानेपानी सरसफाई तथा स्वच्छता समन्वय समिति जनकपुरधामको समन्वय तथा युनिसेफको सहयोगमा, सप्तरी सामुदायिक विकास केन्द्र, नेपालको संजोजनमा दुई वटा अस्पताललाई विभिन्न स्वास्थ्य सामग्री प्रदान गरेको छ ।

कोरोना भाइरस (कोभिड १९) को संक्रमणको उपचारमा सहयोग पुग्ने उद्देश्यले सप्तरीको भारदह अस्पताल र जिल्ला अस्पताल सिरहालाई स्वास्थ्य सामग्री प्रदान गरिएको सप्तरी सामुदायिक विकास केन्द्र, नेपालका अध्यक्ष शम्भुनन्द चौधरीले जानकारी दिए ।

कोरोना भाइरस संक्रमण न्यूनिकरण तथा रोकथामको लागि आवश्यक पर्ने स्वास्थ्य सामग्रीहरु सिरहा अस्पतालका प्रमुख डा. नागेन्द्र यादव र भारदह अस्पतालको प्रमुख डा. कुन्दन ठाकुरलाई हस्तान्तरण गरेको बताइएको छ । अस्पतालहरुलाई प्रदान गरिएको स्वास्थ्य सामग्रीहरुमा हातधुने स्टेशनसेट चार वटा, सर्जिकल मास्क नौ सय थान, ग्लोभस नौ सय थान, सेनिटाइजर ८० थान, हातधुनेसाँप बार पाँच सय, हात्तधुने लिक्विड ३० थान र बिल्चिङ्ग पाउडर दुई बोरा रहेको अध्यक्ष चौधरी जानकारी दिए ।