नेपाली सेनामा कार्यरत दुई जनामा कोरोनाको पुष्टि

३ जेठ, काठमाडौं । नेपाली सेनाका दुई जनामा शनिबार कोरोना संक्रमण पुष्टि भएको छ । नेपाली सेनाको मध्यपूर्वी पृतना मुख्यालय, महोत्तरीमा कार्यरत दुई सैनिकमा कोरोना संक्रमण पुष्टि भएको हो ।

शनिबार दिउँसो स्वास्थ्य मन्त्रालयले संक्रमण पुष्टि गरेका दुईजना नेपाली सेनामा कार्यरत रहेका छन् । उनीहरु महोत्तरी निवासी ५२ वर्षीय र काभ्रे निवासी २६ वर्षीय पुरुष हुन् । उनीहरुमा कसरी कोरोना संक्रमण भयो भन्नेबारे अनुसन्धान भइरहेको छ । उनीहरुको पद भने खुलाइएको छैन ।

स्वास्थ मन्त्रालयले आज गरेको प्रेस ब्रिफिङमा उल्लेख गरेका दुई संक्रमित नै सेनामा कार्यरत रहेको सैनिक प्रवक्ता विज्ञानदेव पाण्डेले स्वीकारेका छन् । यो घटनापछि सेनामा पहिलो पटक कोरोना संक्रमण भएको छ । प्रदेश नं. को जनकपुरमा पीसीआर गर्दा कोरोना पोजेटिभ देखिएका दुई केस सेनामा कार्यरत कर्मचारीको हो– उनले भनेका छन् ।

शनिबार बिहानै थप ९ जनामा कोरोना संक्रमण पुष्टि भएको थियो । योसँगै नेपालमा कोरोना भाइरसबाट संक्रमित हुनेको संख्या २ सय ७८ पुगेको छ । संक्रमण पुष्टि भएकामध्ये हालसम्म ३६ जना निको भइसकेका छन् । उपचाररत सबैको स्वास्थ्य अवस्था सामान्य रहेको पनि स्वास्थ्य मन्त्रालयले जानकारी दिएको छ ।