सीमाका बिओपीलाई स्वास्थ्य जाँचका लागि थर्मलगण प्रदान

◊ धीरुभाइ

९ जेठ, सप्तरी । सप्तरी क्षेत्र नम्बर ४ (ख) का प्रदेश सभा सदस्य अभिषेक यादवले सीमानाकामा स्वास्थ्य जाँचका लागि दुई वटा बिओपीलाई एक÷एक थान थर्मलगण प्रदान गरेका छन । भारतका विभिन्न सहरबाट प्रवेश गरिने नेपालीहरुको स्वास्थ्य जाँचका लागि थर्मलगणसँगै सेनिटाइजर र जीवनजल प्रदान गरेका हुन् ।

सभा सदस्य यादवले जिल्लाको सीमावर्ती बलान बिहुल गाउँपालिका ५ स्थित सशस्त्र प्रहरी बोर्डर आउट पोष्ट रामनगर कोदरकट्टीका सशस्त्र प्रहरी निरीक्षक केशव थापा र सशस्त्र प्रहरी बोर्डर आउट पोष्ट बोदे बर्साईन नगरपालिका ९ सुभरनपट्टीका सशस्त्र प्रहरी निरीक्षक हिमाल केसीलाई उक्त सामग्री प्रदान गरेको स्थानीय लोकेन्द्रप्रसाद यादवले जानकारी दिए ।