कुमारी बैंकले दियो पुतलीबजार नगरपालिकालाई राहत सहयोग

११ जेठ, स्याङ्जा । कुमारी बैंकले पुतलीबजार नगरपालिकालाई ५९ हजार रुपैयाँ बराबरको राहत खाद्यान्न सहयोग हस्तान्तरण गरेको छ । बैंकको पुतलीबजार शाखाले लकडाउका कारण समस्यामा परेका दैनिक ज्यालादारी मजदुरलाई लक्षित गरी खाद्यान्न हस्तान्तरण गरेको हो ।

बैंकले पुतलीबजार नगरपालिकालाई ५ सय किलो चामल, १ सय किलो दाल, १ सय लिटर तेल, सय किलो नुन र हातधुने साबुन १ सय थान नगरपालिकालाई हस्तान्तरण गरेको छ । बैंकले उपलब्ध गराएको खाद्यान्न नगरपालिका भित्रका विपन्न तथा गरिब परिवारलाई प्रदान गर्ने पुतलीबजार नगरपालिकाले जनाएको छ । नगरपालिकाले लकडाउनको समयमा झण्डै १ हजार ८ सय जना मजदुर तथा विपन्न परिवारलाई खाद्यान्न वितरण गरेको छ ।

खाद्यान्न हस्तान्तरण गर्दै कुमारी बैंक पुतलीबजार शाखाका शाखा प्रबन्धक अमरमान श्रेष्ठले लकडाउन थपीदै गएको र गरिब तथा विपन्न परिवारहरुलाई समस्या हुँदै गएकाले नगरपालिका मार्फत वितरण हुने गरि खाद्यान्न प्रदान गरिएको बताए ।