ठूला पूर्वाधार आयोजनाले निरन्तरता पाएपछि बाँकेवासीमा उत्साह
नेपालबहस संवाददाता
जेठ २१, २०७७ बुधबार १७:५१:५४
२१ जेठ राँझा । सङ्घीय सरकारले ल्याएको आर्थिक वर्ष २०७७-७८ को वजेटमा बाँकेका ठूला पूर्वाधार आयोजनाले निरन्तरता पाएका छन् । सरकारको नीति तथा कार्यक्रममा समेटिएका बाँकेको सिक्टा सिँचाइ आयोजना, ग्रामीण विद्युतीकरण, औद्योगिक क्षेत्र तथा भन्सारलगायतका क्षेत्रमा बजेट विनियोजन भएको छ ।
नेपाल उद्योग वाणिज्य महासङ्घका केन्द्रीय सदस्य कृष्णप्रसाद श्रेष्ठले कृषि र रोजगारीलाई मुख्य प्राथमिकता राखेर बाँकेको सिक्टा सिँचाइ आयोजना, नौवस्ता औद्योगिक क्षेत्र र नेपालगञ्जमा एकीकृत जाँच चौकीलाई नीति तथा कार्यक्रममा समेटेर बजेट विनियोजन हुनु बाँकेवासीकै लागि खुशीको कुरा भएको बताए । उनले नीति तथा कार्यक्रम र विनियोजित बजेट कार्यान्वयन हुन सके बाँकेवासीका लागि ठूलो उपलब्धि हुने उल्लेख गर्दै कार्यान्वयनमा कोभिड–१९ ले समस्या आउनसक्ने चिन्ता व्यक्त गरे ।
बाँकेमा निर्माणाधीन सिक्टा सिँचाइ आयोजनाको पश्चिम नहर सञ्चालनमा ल्याउने गरी सङ्घीय सरकारले बजेट विनियोजन गरेको छ । बाँके जिल्लाको करिब ३४ हजार हेक्टर जमिनमा सिँचाइ सुविधा पुया¥उने उद्देश्यले १४ वर्षअघि निर्माण शुरु भएको राष्ट्रिय गौरवको सिक्टा सिँचाइ आयोजनालाई नीति तथा कार्यक्रममा प्राथमिकता दिइनु सकारात्मक भएको सिक्टा सिँचाइ आयोजना जल उपभोक्ता समितिका अध्यक्ष शालिकराम डाँगीले बताए ।
यसैगरी अलपत्र अवस्थामा रहेको बाँकेको नेपालगञ्ज एकीकृत जाँचचौकी स्थापना गर्ने र बुटवल– कोहलपुर प्रसारण लाइन विस्तार गर्ने कार्यक्रमले उद्योगी व्यापारी उत्साहित देखिएका छन् । नेपालगञ्ज उद्योग वाणिज्य सङ्घका अध्यक्ष अब्दुल वाहिद मन्सुरीले आफूहरुले उठाउँदै आएको एकीकृत जाँचचौकी स्थापनालाई सरकारले नीति तथा कार्यक्रममा समेटेकोमा खुशी व्यक्त गरे ।आर्थिक वर्ष २०७७-७८ मा बाँकेको बैजनाथ गाउँपालिकास्थित प्रदेशस्तरीय नौवस्ता औद्योगिक क्षेत्र निर्माणले निरन्तरता पाउने भएको छ । नौवस्ता औद्योगिक क्षेत्र प्रदेश नं ५ कै गौरवको आयोजनासमेत हो ।
गत वर्षको नीति तथा कार्यक्रममा समेत समावेश भएको नौवस्ता औद्योगिक क्षेत्रलाई यो वर्ष पनि सरकारले प्राथमिकता दिएकाले निर्माण कार्यले गति लिने आशा गरिएको छ । बैजनाथ गाउँपालिकाका अध्यक्ष मानबहादुर रुचाल ठकुरीले नीति तथा कार्यक्रममा नौवस्ता औद्योगिक क्षेत्रको कामलाई अगाडि बढाउने उल्लेख गरी बजेट विनियोजन भएकोमा आफूहरुमा उत्साह थपिएको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइआईए प्रक्रियामा अल्झियो मझगाउँ विमानस्थल पुनः निर्माण
बैशाख २५, २०८१ मंगलबार
धनगढी–खुटिया–दिपायल द्रुतमार्गमा बनाइने आठवटा पुल निर्माण प्रभावित
बैशाख २३, २०८१ आइतबार
मुग्लिन–पोखरा सडकको पूर्वी खण्डमा १३ पुल निर्माण
बैशाख २१, २०८१ शुक्रबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
नयाँ जसपा दर्ता गर्न किन हतारिए प्रमुख आयुक्त थपलिया ?
बैशाख २५, २०८१ मंगलबार
सुन तस्करी सम्बन्धी गृहले बनाएको समितिको जिष्ट प्रतिवेदन,१० जनालाई कारबाही गर्न सुझाव
बैशाख २५, २०८१ मंगलबार
आज सुनको मूल्य बढ्यो, कतिमा हुँदै छ कारोबार ?
बैशाख २५, २०८१ मंगलबार
संसद अधिवेशन अघि कांग्रेसका दुई बैठक, कस्तो आउँछ निर्णय ?
बैशाख २६, २०८१ बुधबार
पार्टी विभाजनबारे जसपा नेपालले पत्रकार सम्मेलन गर्दै
बैशाख २६, २०८१ बुधबार
सुनकोशी मरिन डाइभर्सनको बाँकी काम निर्धारित समयमै सम्पन्न होस् : प्रधानमन्त्री
बैशाख २६, २०८१ बुधबार
जुत्ता र पोशाक किन्ने पैसा नुहँदा ७ सय ६६ बालबालिकाले छाडे बीचमै पढाई
बैशाख २६, २०८१ बुधबार
कालीकोटका किसानलाई गोठालो भत्ता !
बैशाख २६, २०८१ बुधबार
सुनकोसी मरिण डाइभर्सन सुरुङको आज 'ब्रेक थ्रू' हुँदै
बैशाख २६, २०८१ बुधबार