संक्रमण फैलिन नदिन निषेधाज्ञा

२१ जेठ, जुम्ला । कोरोना भाइरसको संक्रमण फैलिन नदिन जुम्लामा तीन दिनका लागि निषेधाज्ञा जारी गरिएको छ । जिल्ला प्रशासन कार्यालय जुम्लाले आज ‘बुधबार’ बिहान ९ बजेदेखि शुक्रबार राति १२ बजेसम्मका लागि निषेधाज्ञा जारी गरेको हो ।

भारतबाट जूम्ला आएका नागरिक र सुरक्षाकर्मीमा कोरोना संक्रमण पुष्टि भएपछि त्यसलाई समुदाय स्तरमा फैलिन नदिन निषेधाज्ञा जारी गरिएको प्रशासनले जनाएको छ ।

निषेधाज्ञाको अवज्ञा गरे कानुन बमोजिम कारबाही हुने प्रशासनले जारी गरेको सूचनामा उल्लेख छ । निषेधाज्ञा अवधिमा अत्यावश्यक सेवाबाहेका सबै पसलहरु बन्द हुने जनाइएको छ ।