देशभर १ लाख ७० हजार भन्दा बढी क्वारेन्टाइनमा

२५ जेठ, काठमाडौं । देशभर १ लाख ७० हजार ७३२ जना क्वारेन्टाइनमा रहेका छन्। स्वास्थ्य तथा जनसङ्ख्या मन्त्रालयले पछिल्लो २४ घण्टामा पीसीआर विधिबाट ३ हजार ७२८ र आरडीटी विधिबाट ७ हजार ६१४ वटा परीक्षण भएको जानकारी दिएको हो।

मन्त्रालयको नियमित व्रिफिङका क्रममा आइतबार प्रवक्ता डा। विकास देवकोटाले हालसम्म पीसीआरबाट कुल ९६ हजार २०५ र आरडीटीबाट १ लाख ४५ हजार ४९ वटा परीक्षण भएको जानकारी दिए।

डा.देवकोटाका अनुसार देशभर २ हजार ९६८ जना आइसोलेशनमा छन्। डा.देवकोटाका अनुसार गत चौबीस घन्टामा ३ जना रेड जोनमा परेका हुन्।