सन्धिखर्कमा उपप्रमुखसहित २९ जनामा काेराेना संक्रमण !

२६ जेठ, अर्घाखाँची । अर्घाखाँचीको सन्धिखर्क नगरपालिकाका उपप्रमुखलाई कोरोना संक्रमणको पुष्टि भएको छ । जनताको सेवामा लाग्दालाग्दै संक्रमित भएको उपप्रमुख ठाकुरकुमार विकले बताएका छन् ।

कोरोना संक्रमणको पुष्टि भएपछि उपप्रमुख घरमै आराम गरेर गरेर बसेका छन् । भारतको गुजरातमा मजदुरी गरेर घर फर्कने क्रममा जेठ १० गते बाटोमै भूमिकास्थान नगरपालिका–९ चरेपानीका एक युवकको मृत्यु भएको थियो । उनी पनि त्यहि शव व्यवस्थापनमा खटिएको बताएका छन् ।

उनले भने, ‘मृतक युवक आएकै बसमा सन्धिखर्कका अन्य स्थानीयहरू पनि आएका थिए । गुजरातबाट दुई वटा बसमा सँगसँगै आएका गाउँलेलाई क्वारेन्टाइन राख्ने व्यवस्थापनमा पनि म सक्रिय थिएँ । त्यही क्रममा आफू पनि संक्रमित भएँ कि जस्तो अहिले लाग्छ ।’

उपप्रमुखसहित सन्धिखर्क नगरपालिकाका सोमबार २९ जनामा संक्रमण पुष्टि भएको छ। यस्तै, शीतगंगा नगरपालिका र पाणिनी गाउँपालिकाका एकरएक जनामा संक्रमण पुष्टि भएको हो ।